Niam/Txiv txoj Kev Taw mus Kawm Ntaw Qib Siab thiab Npaj Kom Txhij Rau Txoj Kev Mus Ua Hauj Lwm

Transcription

1 Niam/Txiv txoj Kev Taw mus Kawm Ntaw Qib Siab thiab Npaj Kom Txhij Rau Txoj Kev Mus Ua Hauj Lwm TXOJ KEV TAW KOJ LOS TXHAWB KOJ TUS MENYUAM TXOJ NPAU SUAV Koom Siab Npaj Kom Txhij Rau Kev Mus Kawm Ntawv Qib Siab University of Minnesota Driven to Discover Tsim los ntawm lub tsev kawm ntawv qib siab University of Minnesota Koom Siab Npaj Kom Txhij 1 Rau Txoj Kev Kawm Ntawv Qib Siab

2 SOB LUS QHIA Hauv ntiaj teb niaj hnub niam no, kawm kom tau daim npaim pab kaj hauv tsev kawm ntawv qib siab (college) yog ib qho uas yuav tsum kawm kom tau thiaj li yuav nrhiav tau hauj lwm kom them nyiaj txaus noj txaus haus thiab kom thiaj li muaj hwm tsam nce qib los yog nce nyiaj. Cov tsev kawm ntawv qib siab uas yog kawm plaub xyoos xws li University of Minnesota, nrog rau community thiab technical colleges uas cov tub ntxhais kawm ob xyoos kom tau lawm daim npais pab kaj associate degree los yog kawm kom tau daim ntawv kawm ib yam as xij twg. Cov niam cov txiv, cov pog cov yawg thiab lwm tus neeg laus yeej muaj feem xyuam tseem ceeb rau tus menyuam txoj kev kawm ntawv. Daim ntawv qhia no yuav pab koj txhawb koj tus menyuam kom mus kawm tau qib siab pib thaum kawm preschool mus dhau plaws high school. Qhov no yeej yog cov tswv yim muab tawm hauv kev tshawb fawb los ntawm qhov tsim uas yog kom npaj tau hu ua development of Ramp-Up to Readiness, yog ib qho program hauv tsev kawm ntawv muaj kev pab qhia tsim los kom txhawb kom muaj cov tub ntxhais kawm ntawv qib siab kom ntau dua thiab kom muaj cov tub ntxhais kawm tiav kom yog los ntawm ntau haiv neeg uas thaum kawm tiav high school lawm es kom lawv ho muaj lub tswv yim, paub txog, thiab yam uas lawv yuav tsum tau ua ntawm lawv tuj kheej kom thiaj li kawm kom tiav ntawv qib siab. Qhov program Ramp-Up to Readiness pab tsev kawm ntawv npaj cov tub ntxhais kom mus kawm ntawv qib siab uas yog pab rau tsiv qhov: Npaj Kev Kawm Ntawv (Academic Readiness): Kev uas yuav muaj peev xwm kawm kom tiav cov hoob ntawv ntawm xyoo thib ib uas yog kawm kom tau cov qhab nes ntawm cov tsev kawm ntawv qib siab technical college, community college los cov tsev kawm qib siab uas kawm plaub xyoos los yog university Npaj Kev Cuv Npe Kawm (Admissions Readiness): Kev uas yuav muaj peev xwm cuv kom tau npe uas yog muaj cov ntaub ntawv uas yuav tsum tau muaj uas yog cuv npe mus kawm qib siab xws lis yog postsecondary institutions. Npaj Kev Kawm Ib Qho As Xij (Career Readiness): Kev uas yuav muaj peev xwm qhia tias hom as xij hauj lwm twg thiaj li hauv yus tus cwj pwm, nyiaj txiag los pab kev kawm ntawv, thiab lwm qhov hom phiaj thiab kev nkag siab ntawm qhov uas yus paub ua, yam uas yus txawj ua (credentials), thiab yam uas tau ua dhau los uas yuav tsum tau muaj thiaj li yuav kawm kom tiav cov as xij ntawd. Npaj Nyiaj Txiag Them Kev Kawm (Financial Readiness): Kev uas yuav muaj peev xwm them cov nqi kawm ntawv ntawm thawj lub semester thaum kawm ntawv qib siab uas yog los ntawm cov nyiaj yus khaws tseg, nyiaj qiv, thiab nyiaj pab financial aid. Npaj Rau Tus Kheej thiab Kev Muaj Phooj Muaj Ywg (Personal and Social Readiness): Kev uas yuav muaj peev xwm teev lub hom phiaj rau txoj kev kawm, kho los yog soj ntsuam kev kawm seb kawm puas tau zoo li lub hom phiaj teev tseg, thiab paub cog tau phooj ywg nrog cov neeg kawv ntawv ua ke thiab cog tau phooj rau cov neeg laus uas pab txhawb txoj kev kawm ntawv Cov tswv yim taw qhia ntawm daim ntawv taw qhia pab qhia cov hauv kev kom tsev neeg thiaj pab tau cov tub ntxhais kawm ntawv kom lawv thiaj li npaj tau mus kawm ntawv qib siab ntawm tsib qhov no. Xav paub ntau dua, mus saib hauv los yog

3 Kev Npaj Kawm Ntawv Qib Siab Thaum Tseem Me Dhau Plaws High School Txhawb kev nyeem ntawv: Kev nyeem ntawm pab kom paub cov ntsiab lus kom ntau thiab yog ib qhov kev pib uas tseem ceeb ntawm txoj kev kawm. 4 Tham nrog koj tus menyuam, thaum lub sij hawm nws tseem mos ab. 4 Taw tes qhia txog cov lus ntawm cov paib rau cov menyuam kawm preschoolers. 4 Siv sij hawm li 20 nasthis ntawm ib hnub twg los nyeem ntawv rau koj tus menyuam, los yog kom nws nyeem ntawv rau koj mloog. n Cov tus ntxhais kawm uas muaj hnub nyoog lawm yuav tsum tau nyeem ntawv ntawm lawv tus kheej txhua hnub, tab sis lawv kuj tseem nyiam mloog cov laus nyeem rau lawv mloog thiab. n Mus saib lub tsev ceev ntaub ntawv nyeem (library) mus nqa ntawv thiab ntawv xov xwm (magazine) los yog mus nyeem ntawv xov xwm. Cuv npe kom koj tus menyuam muaj ib daim npav qiv tau ntawv hauv library. Nco ntsoov, kev txawj ntse tsis yog ib yam uas twb yeej nyob ruaj khov es hloov tsis tau lawm: Kev rau siab thiab kev tsis nyoo swb thaum ntsib tej qhov kev nyuaj yog ib tug yam ntxwv los yog tus cwj pwm tseem ceeb thiaj li yuav kawm tiav lug rau ntawm tus tub ntxhais kawm ntawv. 4 Qhia rau kom tus menyuam tias, Kev ntse tsis yog cia li muaj nyob ntawm koj, kev ntse yog yam uas koj yuav tsum tau kawm thiaj li ntse. 4 Qhuas koj tus menyuam qhov kev rau siab, tsis yog tsuas qhuas thaum kawv tiav xwb, piv txwv hais cov lus tias: Kuv nyiam qhov uas koj rau siab ua cov lej ntawm ko thiab siv lwm lub tswv yim los daws/keb qhov leb ko. Pab koj tus menyuam teev cov hom phiaj: Teev kom muaj hom phiaj yog ib qho xyaum zoo, thiab yog thaum kawm tiav raws li cov hom phiaj tau teev tseg yuav uas rau lawv haj yam mob siab kawm ntxiv. 4 Pab koj tus menyuam teev thiab ua kom tiav cov hom phiaj SMART goals txog tus cwj pwm, tswj cov sij hawm kom zoo, los yog hom phiaj txog kev kawm: Specific (paub meej tias xav kom tiav yam dabtsi) Measurable (Kom paub ntsuam xyuas) Attainable (Yam kom kawm tau) Relevant (muaj feem txuam los yog tseem ceeb rau qhov kev kawm) Timely (tiav raws sij hawm) Tsim kom muaj ib lub sij hawm rau ua homework txhua txhua hmo: 4 Tua lub T.V, tua lub xov tooj ntawm tes thiab tshem tej yam uas cuam tshuam thaum lub sij hawm ua homework. 4 Pab saib koj tus menyuam cov homework kom paub meej tias lawm yeej ua yog lawm. 1

4 Sib tiv tauj nrog tsev kawm ntawv tas li: 4 Mus nrog xib fwb tham thaum muaj kev sib tham txog tus menyuam kev kawm ntawv hu ua parent-teacher conferences thiab siv koj lub tsev kawm ntawv qhov kev sib txuas lus kom koj thiaj li paub txog koj tus menyuam txoj kev kawm tau thiab tsis tau ntawv thiab kom paub txog nws tus qhab nes. 4 Yog tias koj muaj lus nug, hu rau koj tus menyuam tus xib fwb. 4 Pab hais kom koj tus menyuam siv phau ntawv planner thiab kom nws saib txhua hmo es thiaj li paub tias cov ntawv nws yuav tsum tau ua tom ntej no yog cov twg. 4 Nug tus xib fwb los yog lub tsev kawm ntawv tus counselors seb koj tus menyuam puas kawm cov hoob ntawv uas npaj kom nws kawm mus rau qib siab. Txhawb kom koj tus menyuam nrhiav kev pab: Kawm kom paub tias thaum twg koj yuav tsum tau nrhiav kev pab yog ib qho tseem ceeb rau cov tub ntxhais thaum kawm ntawv qib siab los yog hauv lawv lub neej uas lawv yuav tsum tau paub nrhiav. Yog ib qho zoo tshaj uas yuav tsum tau nrhiav kev pab thaum ntxov uas ntej qhov teeb meem muaj kev puas tsuaj loj tshaj lawm. 4 Yog koj xav tias koj tus menyuam yuav tsum tau kev pab ntxiv, koj los yog koj tus menyuam kuj nug tau ib tug xib fwb los yog tus counselor txog kev muaj ib tug neeg pab qhia rau kev kawm los yog lwm yam kev pab uas muaj nyob rau pem tsev kawm ntawv. Pib tseg nyiaj them nqi kawm ntawv qib siab: Muaj ntau txoj hauv kev ua kom tus nqi kawm ntawv qib siab kom them taus. Txawm tias tseg nyiaj me me cia tas li xwb los lwm hnub yeej sib ntxiv tau ntau lawm. 4 Mus nrhiav txog tej qhov chaws uas muaj kev cuv npe tseg nyiaj xws li Minnesota College Savings Plan thiab lwm lub tswv yim tseg nyiaj ntawm mnsaves.org. 4 Sau kom tiav daim ntawm piv txwv txog kev pab them nqis kawm ntawv qib siab hu ua FAFSA (Free Application for Federal Student Aid) kom paub txog tias qhov khwv yees uas nws yuav tau kev pab them nqi kawm ntawv yog ntau npaum li cas uas tej zaum yuav pab rau koj. Koj mus nrhiav tau daim ntawv hauv studentaid.ed.gov/fafsa/estimate los yog Estimator/firstQuestions.cfm. 4 Tsis tas yuav tsum kom muaj tus lej cim Social Security es thiaj li kawm tau ntawv qib siab, tab sis yuav tsum tau muaj tus lej cim thiaj li tau txais cov nyiaj pab los ntawm tsoom fwv government. Si ninguno en su familia ha ido antes Yog tias koj tsev neeg yeej tsis tau muaj leej twg mus kawm ntawv qib siab ua ntej li, mus saib hauv www. firstinthefamily.org/resources/ kuj yuav muaj cov tswv yim pab tau rau koj. Tsis tas li ntawd, ntawm lub tsev saib xyuas kev kawm ntawv hauv Minnesota Department of Education muaj ntau daim mauv vim thaij txoj cov niam txiv thiab cov tub ntxhais kawm ntawv ntawm ntau haiv neeg, cov muaj thiab cov txom nyem los piav qhia tias yog vim li cas lawv thiaj li xaiv mus kawm ntawv qib siab. 2

5 Kev Npaj Kawm Ntawv Qib Siab Rau Cov Kawm Qib Middle School (Qib 6 txog qib 8) Txhawb koj tus menyuam kom yuav tsum tau saib kev kawm ntawv kom muaj nuj nqis tiag tiag thiab kom xaiv cov hoob los yog vib xas kom nyuaj mentsis: Cov vib xas kawm nyob rau qib middle school mas yog ib cov vib xas tseem ceeb npaj lawv mus kawm cov vib xas thaum mus kawm high school. Tshawb nrhiav saib txog ntau qhov uas koj tus menyuam nyiam los yog cov as xij twg: 4 Nug koj tus menyuam txog cov yeej yam uas nyiam ua, thiab tshawb nrhiav cov as xij uas nws nyiam. 4 Nrhiav txoj hau kev kom txuas tau koj tus menyuam qhov kev npau suav tias nws xav ua dabtsi lawm yav pem suab rau kev mus kawm ntawv qib siab. Piv txwv, yog tias koj tus menyuam xav yog ib tug tub tua hluav taws, ib tug xib fwb, ib tug neeg txuas fai fab los yog ib tug neeg txiav khaub ncaws, hais qhia tias yog yuav tau ua ib tug li ntawd mas yuav tsum tau mus kawm ntawv qib siab. 4 Nkag mus saib kids.usa.gov/teens-home/index.html los yog nasa.gov/ audience/forstudents/5-8/index.html rau cov website uas tshawb nrhiav txog as xij. 4 Qhov website no iseek.org/careers/realitytool.html, yuav pab koj tus menyuam kom paub txog tias kev kawm ntawv qib siab no yuav kim npaum li cas nrog qhov as xij uas nws nyiam. Tsim kom muaj tus xeeb ceem rau siab kawm ntawv kom tiav: Xyaum kom paub tias yam twg yog yam uas tseem ceeb ntawm yus, kawm kom paub txog cov kev pab ntawm cov xib fwb thiab cog kev phooj ywg kom zoo yog ib qho uas yuav pab mus kawm tau ntawv qib siab uas yuav tsum tau xyaum thaum tseem kawm qib middle school. 4 Saib koj tus menyuam phau planner txhua hmo. 4 Pab koj tus menyuam cog kev phooj ywg kom zoo rau cov phooj ywg uas coj zoo xaiv qhov zoo thiab rau siab kawm ntawv. 4 Pab koj tus menyuam mus teb ib co lus kom nws paub txog nws tus kheej txoj kev rau siab kawm ntawv hu ua learning style self-assessment (such as educationplanner.org/students/self-assessments/learning-styles.shtml) kom thiaj li paub txog nws lub tswv yim ntawm kev nyeej ntawv thiab kev kawm ntawv tias zoo li cas. Koom nrog tej yam kev kawm los yog kis las: Tsev kawm ntawv qib siab xaiv cov tub ntxhais kawm ntawv uas muaj kev pab sij hawm dawb pub rau ib qho chaw twg los yog raus tes rau tsev kawm ntawv tej yeeb yam activities los yog cov 3

6 activities tshwm sim hauv tej zej zog. Kev koom rau cov activities no yog ib qho zoo uas cov tub ntxhais kawm ntawv thiaj li yuav sib paub los yog swm lub tsev kawm ntawv tshiab. 4 Cuv koj tus menyuam npe rau cov club los yog kev kis las hauv tsev kawm ntawv los yog hauv zej zog community. Kawm kom paub txog cov nqi ntawm kev kawm ntawv qib siab thiab cov kev pab nyiaj txiag rau kev kawm: Yuav tsum tau paub tias nqi kawm ntawv qib siab kim npaub cas thiab muaj txoj hauv kev los them cov nqi ntawd, xws li yog muaj kev pab (grant), kev txais nyiaj (loan) thiab cov nyiaj uas pab vim kawm ntawv tau zoo xws li (scholarships). Cov nyiaj scholarships thiab grants uas tau txais yuav tsis tau them rov qab. Ntau zaus qhov nyiaj tau txais no nyob ntawm seb koj tsev neeg ua tau nyiam ntau npaum li cas. 4 Mus saib cov ntaub ntawv qhia txog kev pab nyiaj txiag ntawm thiab cov ntaub qhia rau cov niam txiv ntawm 4 Saib cov mauv vim thiab kom paub ntau dua ntawm mnprivatecolleges. org/paying. Cov mauv vim no muaj hais lus Mev, lus Hmoob thiab lus Somali. 4 Kom paub qhov khwv yees ua ntej txog kev pab nyiaj txiag tias tej zaum koj tus menyuam yuav tau uas yog siv daim ntawv ntawm studentaid. ed.gov/fafsa/estimate los yog firstquestions.cfm. Cuv npe mus kawm qib 9th: Ntau zaus cov tub ntxhais kawm ntawv yeej cuv npe mus kawm high school thaum lawv tseem nyob qib 8th. 4 Yuav tsum saib kom koj tus menyuam cuv npe rau cov hoob es yuav pab kom lawv mus kawm tau rau qib siab. Feem ntaum cov tsev kawm ntawv qib siab yuav tsum kom tus menyua kawm: n 3-4 xyoos kawm vib xas lej n 4 xyoos kawm vib xas AsKiv n 3 xyoos kawm vib xas science (yuav tsum kawm biology thiab chemistry) n 2 xyoos kawm lwm hom lus / years of a second language n 4 xyoos kawv vib xas social studies n 1 xyoos kawm kos duab (nrog rau ya suab paj nruag) Txawm hais tias cov vib xas yog tej zaum cov tsev kawm ntawv qib siab uas kawm ob xyoos xws li community los yog technical college kuj yuav tsis hais kom yuav tsum tau kawm, tab sis cov vib xas no yeej yog cov vib xas kawm npaj rau mus kawm ntawv qib siab. 4 Txhawb thiab yaum kom koj tus menyuam xaiv vib xas lej, science thiab vib xas technology vim hais tias cov hauj lwm ntau tom ntej no yuav yog poob rau faim no. 4

7 Kev Npaj Kawm Ntawv Qib Siab Rau Cov Kawm Qib High School Qib 9 th : Tsim kom muaj ib lub sij hawm rau ua homework txhua txhua hmo: Tua lub T.V, tua lub xov tooj ntawm tes thiab tshem tej yam uas cuam tshuam thaum lub sij hawm ua homework. Suav cov qhab nes (Grades) lawv: Ntau zaus tub ntxhais kawm ntawv xav tias thaum kawm qib 9th cov qhab nes tsis tau suav rau qhov kev cuv npe mus kawm qib siab (college). Twb tsis yog hais tias suav cov qhab nes grade no xwb, yog kawm tau zoo ntawm cov vib xas ntawm qib 9th kuj yuav yog ib qho pab lawm nkag tau mus kawm rau cov vib xas kom nyuaj zog thaum nce qib siab zog thaum kawm high school. 4 Yog hais tias koj lub tsev kawm ntawv muaj rau koj nkag tau mus saib koj tus menyuam cov qhab ne grade, yuav tsum tau mus saib tas li kom koj thiaj li paub. 4 Yog hais tias koj tus menyuam kawm tsis tshua tau ntawv, tiv tauj nws tus xib fwb los yog tus counselor kom tau kev pab ntxiv. Tsis txhob tos kom lub semester twb tag lawm es mam nrhiav kev pab. Koom nrog tej yam kev kawm los yog kis las: Tsev kawm ntawv qib siab xaiv cov tub ntxhais kawm ntawv uas muaj kev pab sij hawm dawb pub rau ib qho chaw twg thiab/los yog koom nrog tsev kawm ntawv cov activities. Nws yog ib txoj kev zoo xyaum kom paub ua ib tug coj thiab pauv xaiv nws qhov as xij. 4 Cuv koj tus menyuam npe rau cov club los yog kev kis las hauv tsev kawm ntawv los yog hauv zej zog community. 4 Saib kom cov homework yog qhov uas yuav tsum muaj nuj nqis uas yog los pab koj tus menyuam paub tswj nws lub sij hawm. Cuv npe rau cov vib xas ntawm qib 10th: Cuv npe kawm cov vib xas qib 10th pib cuv thaum lub Ib Hlis ntuj. 4 Raus tes nrog qhov kev cuv npe no kom koj tus menyuam thiaj li yuav tsum tau cuv rau vib xas uas npaj nws mus kawm ntawv qib siab. Ua kom tiav daim ntawv pab nyiaj txiag College Financial Aid Calculator: Qhov no yuav pab koj khwv yees tias koj tsev neeg yuav tau pab nyiaj hauv koj lub hnab tshos npaum li cas pab rau tus nqi kawm ntawv qib siab. 4 Saib daim ntawv ua dawb ntawm (free FAFSA4caster) studentaid.ed.gov/ fafsa/estimate kom paub khwv yees tias tus nqi kim npaum cas thiab kom thiaj li paub npaj. 4 Txhawb los yog hais kom koj tus menyuam mus tshawb nrhiav cov nyiaj pab dawb thiab cov nyiaj scholarship hauv online thiab kom lub tsev kawm ntawv tus counselor pab koj nrhiav. 5

8 6 Qib 10 th : Tshawb nrhiav saib txog ntau qhov uas koj tus menyuam nyiam los yog cov as xij (Explore career interests): Kav tsij tham nrog koj tus menyuam ntxiv nrog tej yeeb yam activities nws nyiam ua thiab tawm tswv yim ua ke kom muaj cov as xij uas muaj feem xyuam txog qhov uas nws nyiam. Yog muaj lub hom phiaj paub tias txog qhov as xij yuav pab kom tus menyuam mob siab thiab yuav pom tau tias lawv qhov kev npau suav lawv yav tom tej yeej muaj feem xyuam nrog kev kawm ntawv hnub no. 4 Koj tus menyuam yeej nrhiav tau tej qho as xij uas yuav haum nws qhov kev nyiam uas yog teb ib co lus nug. Ib qho chaw mus teb cov lus nug es yuav pab tau koj yog 4 Lub tsev kawm ntawv tus counselor kuj tham tau nrog koj tus menyuam seb hom npais pab kaj los yog degree qib siab twg thiaj li yuav tsum tau muaj rau hom as xij uas nws nyiam. Xav seb yuav mus kawm ntawv qib siab lub tsev kawm twg thaum tseem kawm qib 11 los yog qib 12 (postsecondary): Nov muaj ntau txoj kev xaiv txog kawm ntawv qib siab thaum tseem nyob high school, kuj muaj txoj hau kev xws li kawm cov tsev kawm ntawv ob xyoos thiab cov tsev kawm ntawv plaub xyoos, thiab cov tsev kawm as xij los yog technical college uas feem siv sij hawm tsawg tshaj li ob xyoos los kawm kom tiav. Yog muaj kev npaj zoo, cov qhab nes kawm ntawm cov tsev kawm ntawv ob xyoos yuav muag nkag tau thaum hloov mus kawm rau cov tsev kawm ntawv plaub xyoos. Rau tej hom as xij, yog ib qho zoo tshaj yuav tsum tau mus pib kawm kiag ntawm lub tsev kawm qib siab qhia plaub xyoos vim hais cov as xij no yuav tsum tau kawm ib vib xas zuj zus ntawm lub tsev kawm ntawv no. Piv txwv, ib tug tub ntxhais hloov kawm ntawm tom qab uas twb kawm tiav ob xyoos lawm feem ntau yuav siv sij hawm li peb xyoox ntxiv thiaj kawm tiav daim ntawv engineering degree. 4 Nrog koj tus menyuam tham seb hom tsev kawm ntawv qib siab twg thiaj li yuav haum nws qhov as xij uas nws nyiam kawm. 4 Muaj qee yam yuav tsum tau soj ntsuam ua ntej: muaj ntau hom neej npaum cas thiab cov tub ntxhais kawm ntawv coob npaum cas, lub zos ntawm lub tsev kawm ntawv loj los me/nyob qhov twg, thiab tag nrho cov menyuam ntawv cov qhab nes ntawm cov tuaj kawm xyoo ib thaum kawm high school muab los tso ua ke tau zoo npaum li cas. 4 Ob lub websites pab koj tshawb nrhiav cov tsev kawm ntawv qib siab yog: bigfuture.collegeboard.org/college-search thiab actstudent.org/college/ choosing.html Tshawb nrhiav txog cov nyiaj pab kawm ntawv qib siab (Explore scholarship options): Cov tub ntxhais kawm ntawv yeej tshawb nrhiav ntawm cov website txog tej hom kev pab nyiaj txiag scholoship uas tej zaum lawv yeej tsim nyog tau txais kev pab nyiaj dawb. Txhawm tias tus qhab nes kawm tau zoo yeej yog qhov uas los ntsuam xyuas txog pab nyiaj scholarship, ntau hom scholarships kuj ntsuam xyuas tej yam tshwj xeeb uas tus menyuam paub ua thiab nyiam ua, tej yam kev cov nyom kev nyuaj uas nws tau muaj dhau los, thawj tug ntawm nws tsev neeg es tau mus kawm ntawv qib siab los yog yuav tsum tau kev pab txog nyiaj txiag. Xaiv ib qho as xij kiag yuav pab koj tau txais nyiaj dawb xws li grants los yog scholarships, xws li as xij qhia ntawv rau cov menyuam uas tsev neeg ua tau nyiaj tsawg tsawg. Niam thiab txiv kuv nug tau nws lub chaw ua hauj lwm los yog cov union seb lawv puas muaj nyiaj scholarship pab. Cuv npe rau cov vib xas qib 11th: Koj tus menyuam yuav tsum tau xav txog xaiv cov vib xas uas cov qhab nes nkag tau rau cov tsev kawm ntawv qib siab, xws li Advanced Placement, International Baccaluareate, College in the Schools, Project Lead the Way, los yog PSEO options. Mus kawm kom paub ntau dua hauv readysetgo.state.mn.us/rsg/index.html.

9 Qib 11 th : Yuav tau txiav txim siab xeem tus xeem PSAT test: Tus xeem no muaj rau thaum lub Kaum Hli ntuj thiab nws yog ib tug xeem xyaum los npaj rau tus xeem ACT thiab SAT. Koj yuav paub tias koj tus menyuam kev kawm tau npaj kawm koj tau ntawv qib siab li cas. Tej lub tsev kawm ntawv kuv pub xeem tus xeem PSAT (los yog PSAT 10) thaum tseem nyob qib 10th. Tus xeem ACT los yog SAT: Feem ntau ntawm cov tsev kawm ntawv qib siab plaub xyoos yeej kom cov tus ntxhais uas cuv npe kawm yuav tsum tau xeem tus xeem ACT los yog SAT thaum lub caij nplooj ntoo hlav. Cov xeem uas xeem thaum lub Plaub hli ntuj thiab lub Rau Hli ntuj yeej pub siv lawm vim thias cov tus ntxhais kawm ntawv twb yeej kawm tiav cov vib xas thaum kawm qib 11th lawm. 4 Tshawb kom paub tseeb tias lub tsev kawm ntawv qib siab uas koj tus menyuam xaiv seb xav kom tau tus xeem twg (piv txwv, tag nrho cov tsev kawm ntawv qib siab hauv lub lav Minnesota lees txais tus xeem ACT). 4 Yuav tau cuv npe kom nws muaj npe xeem li ib lub hli uas ntej. Xav paub txog cov hnub xeem thiab kev cuv npe, mus saib hauv actstudent.org thiab sat.collegeboard.org/home. 4 Kom koj tus menyuam mus kawm cov hoob uas npaj lawv xeem tus xeem ACT los yog SAT, uas yog tsev kawm ntawv muaj cov hoob no los yog cov program ntawm zej zog (community education programs). Mus koom thaum muaj cov tsev kawm qib siab tuaj qhia txog lawv cov tsev kawm ntawv thiab mus saib cov tsev kawm ntawv qib siab: Mus ncig saib tsev kawm ntawv qib siab thiab mus nrog cov neeg cuv npe tham yuav yog ib lub tswv yim zoo seb tsev kawm ntawv qib siab puas haum rau koj. 4 Xav paub ntau tshaj no ntxiv txog tej yam uas yuam tsum tau ua zoo xav, rov mus saib qhov Now Go! ntawm chav readysetgo.state.mn.us/rsg/ Parent/Go/index.html. 4 Ua zoo xav seb lub tsev kawm ntawv qib siab puas muaj qhov as xij (qhov uas nws kawm) uas haum qhov nws xav ua thiab seb lub tsev kawm qib siab muaj neeg kawm coob npaum cas, qhov chaw nyob twg, thiab nqi ntawv kim npaum li cas. 4 Teem caij kom muaj ib lub sij hawm rau koj nrog lawv tham kom paub ntau dua thiab teem caij nrog tus neeg cuv npe mus ncig saib lub tsev kawm ntawv. Kav tsij npaj kom muaj nyiaj los them nqi kawm ntawv qib siab: Ua kom tiav daim ntawv pab nyiaj txiag piv txiv dawb sample FAFSA (financial aid) yuav pab qhia tau qhov kev khwv yees tias koj tsev neeg yuav tsum tau rho nyiaj hauv hnab tshos npaum cas los pab them nqi kawm ntawv, thiab cov nyiaj txiag uas tej zaum koj tus menyuam yuav taus txais dawb los pab. 4 Tshawb nrhia kev npaj nyiaj txiag (Explore the financial planning tools) thiab ua daim ntawv pab nyiaj txiag dawb kom khws yeej tau tias yuav tsum npaj nyiaj npaum cas ntawm studentaid.ed.gov/fafsa/estimate. 4 Tham nrog tsev kawm ntawv tus counselor nrog tus menyuam thiab los tshawb nrhiav cov kev pab nyiaj txiag scholarships uas muaj nyob hauv online. 7

10 Yog tias koj tus menyuam npaj siab xav koom nrog kev ncaws pob los yog kis las thaum kawm qib siab: Tiv tauj nws tus neeg tswj qhia kev kis lis (coach) nug txog cov kis las program ntawd thiab cov nyiaj txiag scholarships uas pab mus rau faim ntawd. Cuv npe kawm rau cov vib xas kom nyuaj thaum kawm qib 12th: Kawm ntawv AsKiv, social studies, lej thiab science yog cov vib xas tseem ceeb uas yuav tsum tau kawm ntxiv thaum nyob qib 12th. Cov tsev kawm ntawv qib siab plaub xyoos yeej kom yuav tsum tau kawm cov vib xas no dua los thiab cov tsev kawm qib siab ob xyoos uas yog community thiab technical colleges los feem ntau yuav tsum kom muaj tus xeem hu ua placement tests rau faim lej thiab kev paub lus Askiv. Yog hais tias ib tug menyuam kawm ntawv twg qhaj ib xyoos tsis kawm cov vib xas no, tej zaum lawv yuav xeem tsis tau zoo thiab ces lawv yuav tsum tau kawm ib hoob ntawv thaum kawm qib siab kom npaj lawv kawm cov vib xas ntawm tsev kawm ntawv qib siab uas tus qhab nes yeej tsis suav tab sis kuj raug them tus nqi kawm hoob no thiab. Yog tias pub koj tus menyuam tsim nyog kawm, ces cuv nws npe kawm li ntawm ib vib xas los yog ib hoob uas yog tau txais thiab suav tus qhab nes thaum mus kawm ntawv qib siab xws li vib xas Advanced Placement, International Baccalaureate, College in the Schools, Project Lead the Way, los yog PSEO options. Ntau tus tub ntxhais kawm ntawv lawv ntseeg lawv tus kheej tias lawv yeej kawm tau qib siab tom qab lawv kawv tiav cov hoob uas npaj lawv mus kawm qib siab no. Yog xav paub ntau tshaj no mus saib hauv readysetgo.state.mn.us/rsg/parent/index.html. NCIG SAIB TSEV KAWM NTAWV QIB SIAB Mus ncig saib tsev kawm ntawv qib siab yog ib qho tseem ceeb uas ntej yuav mus kawm ntawv qib siab. Lub caij ntuj sov (summer) tom qab kawm tag hoob 11th yog lub zoo sij hawm mus ncig saib tsev kawm ntawv qib siab. Mloog cov lus teb rau los yog nug cov lus nug nram qab no: Lub tsev kawm ntawv qib siab no puas muaj qhov as xij uas koj tus menyuam xav kawm? Puas muaj ib qho chaw uas cov menyuam nyiam kawm tib yam as xij nyob ua ke thiab kawm cov vib xas no ua ke? Hom vib xas uas tseem ceeb yuav tau kawm yog vib xas dabtsi? Muaj kev pab li cas rau txoj kev kawm hauv lub tsev kawm no? Tub ntxhais kawm ntawv yuav tsum tau siv sij hawm ntau npaum cas los ua homework ib asthiv twg? Yuav xav kom cov tub ntxhais kawm ntawv sau ntawv ntau npaum cas? Xav kom nyeem ntawv ntau npaum cas? Ua li cov tub ntxhais kawm ntawv tau txais xib fwm cov kev xav (feedback) ceev npaum cas txog lawv txoj kev kawm ntawv? Ua li cov tub ntxhais kawm ntawm sib koom ua project heev npaum li cas? Muaj cov yeeb yam activities dabtsi rau lawv koom sab nraud thaum tsis kawm ntawv? Muaj pes tsawg tus tub ntxhais kawm ntawv mus kawm txawv teb chaws? Pes tsawg feem puas ntawm cov tub ntxhais kawm ntawv muaj kev pab rau zej zog xws li community service? Muaj pes tsawg tus tub ntxhais kawm ntawv xauj tsev hauv tsev kawm ntawv (campus) qib siab nyob? Puas mus ntsib Cov xib fwb qhia ntawv tau yooj yim thiab lawv puas muaj lub siab pab txhawb kev kawm ntawv? Puas pub cov tub ntxhais kawm ntawv tshawb fawb kev kawm los yog ua research projects nrog cov xib fwb? Puas muaj program sib txuas lus nrog niam txiv? 8

11 Zam kom dhau kev tub nkeeg ntawm qib 12th senior slump : Cov tsev kawm ntawv qib siab yuav ua twb zoo muab cov vib xas thaum kawm Qib qib 12th seb kawm ntau vib xas npaum cas los mus txiav txim siab yuav txais los tsis txais tus tub ntxhais ntawd nkag rau lawv lub tsev kawm 12 th : qib siab. Ntxiv mus thiab, tus tub ntxhais kawm qib 12th uas hla tsis kawm vib xas lej yuav ua rau nws tsis paub lej zoo thiab kuj yuav ua rau nws yuav tsum tau kawm hoob uas npaj rau kawm qib siab (developmental classes). Cov tub ntxhais kawm ntawv yuav tau them tus nqi kawm hoob no tab sis tus qhab ne los yog grade no tsis suav rau kev kawm tiav plaub xyoos. Zaum kawg uas pub xeem tus xeem ACT thiab SAT: 4 Yog koj tus menyuam tsis tau xeem tus xeem ACT los SAT thaum nyob qib 11th, ces cuv nws npe rau tus xeem uas muaj thaum lub Kaum Hli ntuj li ib lub hlis ua ntej. 4 Yog tias nws twb xeeb thaum nws nyob qib 11th lawm tabsis xeem tsis tshua tau qhab nes zoo raws li siab xav, xav zoo zoo es rov qab xeem dua. Xyuas seb hnub twg yuav tsum tau xa cov ntawv cuv npe kawm ntawv qib siab: Ntau lub tsev kawm ntawv qib siab hnub kawg xa ntawv cuv npe application mus yog thaum lub Kaum Ob Hlis ntuj, hos lwm cov kuj pub txog lub Ib Hlis ntuj, Ob Hlis ntuj los yog lub Rau Hli ntuj thiab. Tej lub tsev kawm ntawv ob xyoos li community college yeej txais tub ntxhais kawm ntawv kom txog ntua thaum pib kawm ntawv kiag lawm, tabsis muaj tej qhov program kuj muaj caij tias yuav tsum tau xa npe rau xws li ua ntej lub caij nplooj ntoos hlav (spring) los yog ua ntej lub caij ntuj so (summer) los yog muaj npe nyob tos vim neeg coob lawm. Xa cov ntaub ntawv cuv npe application mus: Ntau daim ntawv cuv npe yeej yog xa hauv computer mus xwb. Qee lub tsev kawm ntawv qib siab plaub xyoos yeej siv tib hom ntawv cuv npe xwb Common Application uas yeej pub xa rau ntau lub tsev kawm ntawv ib zaug. Tej lub tsev kawm ntawv kuj tsis kom koj them tus nqi xav daim ntawv cuv npe rau tsev neeg es ua tau nyiaj xyoo tsawg. 4 Yuav tsum tau cuv npe rau tsawg kawg los peg lub tsev kawm qib siab: n ub tsev kawm qib siab kom hauv nws: lub tsev kawm uas kom cov qhab nes ACT/SAT rau tag nhro cov tub ntxhais tuaj kawm thawj xyoo li koj tus koj zoo sib xws n Lub tsev kawm qib siab Stretch school: lub tsev kawm uas kom cov qhab nes ACT/SAT rau tag nhro cov tub ntxhais tuaj kawm thawj xyoo kom siab zog koj tus menyuam cov. 4 Lub tsev kawm qib siab Safety school: Lub tsev kawm ntawv uas lwm tus tub ntxhais cov qhav nes qis zog koj tus 4 Yog tias daim ntawv cuv npe yuav tsum kom muaj neeg sau ib tsab ntawv qhuas kom pab txais nws, yuav tsum kom koj tus menyuam nug cov neeg pab sau ntawv li ntawm peb lub asthiv ua ntej hnub kawg uas yuav tsum tau xa, thiab qhov zoo tshaj pib ntxov thaum lub nplooj ntoos poob. Lawv nug tau lawv tus counselor kom pab sau, tus xib fwb, tus nai nws ua hauj lwm, tus tswj qhia kev kis las los yog ib tug saib xyuas kev pab sij hawm dawb rau kev xyaum ua tus coj ntawm cov tub ntxhais. 4 Yog hais tias lub tsev kawm ntawv qib siab ntawd yuav tsum kom koj tus menyuam yuav tsum tau sau ib tsab ntawv los yog ib zaj dab neeg, yuav tsum kom muaj ib tug xib fwm los yog ib tug counselor pab saib nws tsab ntawv ua ntej nws xa mus. Tsis li ntawd, koj yuav tsum tau rov muab saib ib lwm thiab pab muab tswv yim rau. Yuav tsum kom tus menyuam kho daim ntawv nws sau koj tsis txhob phiv ua ntej yuav xa mus. 4 Saib xyuas cov ntaub ntawv cuv npe application kom muaj txhij xa rau lub tsev kawm raws li lub tsev kawm qib siab kom yuav tsum muaj. 9

12 10 Yuav tsum tau sau fill daim ntawv pab nyiaj txiag tseem tseem kom tiav (Complete an official financial aid form (FAFSA)): 4 Daim ntawv pab nyiaj txiag tseem tseem yuav nrhiav tau nyob rau hauv fafsa. ed.gov. Daim ntawv los yog daim foos no yeej sau tau thaum lub Kaum hli ntuj. Koj yuav tsum kom koj muaj daim ntawv ua se es nyuam qhuav ua tag nrho thiab koj tus menyuam cov nyiaj ceev cia es thiaj li paub sau kom tiav. 4 Yuav tau mus koom mloog thaum tus neeg tswj cov ntaub ntawv txog nyiaj txiag pab rau kev kawm ntawv financial aid tuaj qhia ntawm koj lub tsev kawm ntawv. Los yog rau ntawv tej lub laj txheej tswm sim yauv muaj xws li qhia txog Minnesota College Goal, minnesotacollegegoal.org, yeej muaj kev pab koj sau kom tiav daim foos pab nyiaj txiag FAFSA rau koj tus menyuam. 4 Txhawb thiab hais kom koj tus menyuam cuv npe los yog apply seb puas tau nyiaj scholarships. Tsev kawm ntawv feem ntau yeej muaj cov hau kev rau tub ntxhais kawm ntawv cuv npe apply rau cov nyiaj pab nyob hauv zej haum zos, thiab cov tub ntxhais los yuav tsum tau mus saib thiab mus koom los yog mus cuv npe. Txiav txim siab seb yuav mus kawm qhov twg: Thaum lub Plaub Hlis ntuj feem ntau ntawm cov tsev kawm ntawv qib siab yeej txiav txim siab tag thiab yeej muaj cov ntaub qhia koj txog cov nyiaj txiag pab. 4 Muab cov tsev kawm ntawv qib siab los sib piv txog tus nqis kawm ntawv seb yuav thaum them ntau npaub cas tom qab cov nyiaj uas pab dawb ntawm lub tsev kawm qib siab thiab thaum muab tus nqi kawm ntawv tag nrho los rho tawm. Cuv npe apply kom tau tsev nyob: Yuav tau cuv npe xa daim ntawv application rau xauj tsev nyob kawm ntawv, uas yog tej zaum yuav tau xav kom ntxov li lub Peb Hlis Tim 1. 4 Ua zoo xav txog mus nyob nrog cov tub ntxhais kawm ib faim nyob tib xab thiab kawm cov vib xas ua ke. Paub tseeb tias muaj npe kawm lawm (Confirm enrollment): Ua raws li cov lus cob qhia ntawm daim ntawv sau tuaj qhia tias yeej txais koj tus menyuam kawm ntawm lub tsev kawm qib siab uas nws xaiv. 4 Ntau tus nqi txais koj tus menyuam kawm ntawv yuav tau xa mus rau lub tsev kawm ntawv thaum lub caij nplooj ntoos hlav. Yog tias koj tsis muaj nyiaj them tus nqi nov, nug seb lub tsev kawm ntawv qib siab puas kam tshem tus nqi no tawm koj tsis txhob tau them. 4 Koj tus menyuam yuav tsum tau qhia rau lub tsev kawm ntawv tus counselor seb lub tsev kawm ntawv qib siab twg yog lub nws npaj siab mus kawm, thiab hais kom lawv xa tag nrho nws cov qhab nes thiab tag nrho cov qhab nes xeem nkag rau tsev kawm qib siab kom muab xav rau lub tsev kawm ntawd uas nws xaiv 4 Nrhiav kom paub tseeb seb thaum twg mam tau them nqi kawm ntawv, nqi vaj nqi tsev. Tsev kawm ntawv qib siab feem ntau yeej pub koj them ib qho zuj zus, tab sis koj yuav tsum tau nug kom thiaj muaj qhov kev them li ntawd. 4 Yuav tsum kom koj tus menyuam nyeem txhua daim ntawv sau ntawm lub tsev kawm qib siab tuaj thiab teb cov lus uas lawv kom yuav tsum tau ua. Mus cuv npe kawm cov vib xas thiab mus sib ntsib thawj zaub rau ntag nrho cov tuaj

13 kawm ntshiab kuj yuav muaj tshwm sim thaum lub caij ntuj so. Yog tias koj tus menyuam xav koom nrog kis las (sports) thaum kawm qib siab: 4 Nrog tus tswj qhia kev kis las (tus coach) tham txog cov kis las koj xav koom thiab cov nyiaj pab scholarships pab rau kis las. 4 Cuv npe ntawm chav NCAA Eligibility Center, ncaa.org. Npaj kom muaj tswv yim paub them nqi txhua yam txog kev kawm qib siab (Plan for college expenses): 4 Pab koj tus menyuam tawm tswv yim tseg nyiam them nuj nqis kawm ntawv qib siab. 4 Xyuas seb yuav siv pes tsawg los them nqi zaub mov, nqi ntaub ntawv, thiab kev ua si. 4 Feem ntau cov tub ntxhais kawm ntawv yuav tsum muaj daim khaj tsum nyiaj. Yuav tsum kom lub tuam txhab rho nyiaj uas nws muaj daim khaj rho nyiaj muaj chaw rho nyiaj nyob ze lub tsev kawm ntawv qib siab. 4 Muaj tus checking account yuav yog ib qho yooj yim thaum nws siv yuav ntaub ntawv thiab siv lwm yam. Feem ntau ntawm cov tsev kawm ntawv qib siab yeej muab cov nqi tsub rau hauv lawv tus college account es mam them tom qab, uas yog siv daim check them, siv daim khaj them los yog them online uas yog siv nws cov nyiaj hauv lub bank them. Mus tom tsev kawm ntawv qib siab thiab mus nyob hauv: Cov tub ntxhais kawm ntawv qib siab yeej muaj cov hnub uas qhia rau nws tias hnub ntawd yog hnub nws ntsaig tau khoom tuaj nyob hauv tsev kawm ntawv. 4 Ya nyooj hoom tuaj: Yuav pib nyooj hoom ua ntej koj thiaj li tau tus nqi pheej yog. 4 Caij tsheb ciav hlau los yog tsev npav: Xyuas kom paub meej seb koj tus menyuam nqa tau pes tsawg lub thawv ntim khoom nrog nws. 4 Tsav tsheb: Cov tsev thiab thaj tsam uas tus ntxhais kawm ntawv nyob yeej muaj cov lus qhia tias yuav tsaws khoom li cas mus hauv lawv chav. 11

14 Ntsiab Lus Txhais (Glossary): ACT: Yog ib tug xeem (standardized test) uas siv los xeem ntawm ntau lub tsev kawm qib siab kom pab lawv txiav txim seb puas yuav txais tus tub ntxhais ntawd. Txhua lub tsev kawm ntawv qib siab hauv lub lav Minnesota yeej lees txais tus xeem ACT. Cov tub ntxhais feem ntau yuav tsum tau xeem tus xeem no thaum lub caij ntuj no los yog caij ntuj nplooj ntoos hlav thaum lawv nyob qib 11th. Advanced Placement (AP): Cov hoob los yog vib xas AP no yog qhia thaum nyob high school thiab cov xib fwm high school uas tau xyaum qhia cov ntaub ntawv nyob rau kev kawm qib siab. Cov tub ntxhais kawm ntawv rau cov vib xas no yuav tau xeem tom qab kawm tag thiab ntau lub tsev kawm ntawv qib siab yeej muab qhab nes rau lawv es yog nyob ntawv seb lawv xeem tau zoo npaum cas. Community Colleges: Cov tsev kawm ntawv qib siab ob xyoos uas qhib rau pej xeem yog kawm kom tau daim associate degrees. Cov tub ntxhais uas npaj kawv ntxiv mus rau cov tsev kawm qib plaub xyoos ntxiv yuav tsum tau nug txog cov qhab nes seb pub siv ntau li cas. College in the Schools (CIS): Ib qhov program ntawm U of M Twin Cities uas yog qhia rau cov xib fwb tseem qhia high school kom lawm paub qhia cov ntaub ntawv qib siab rau cov tseem kawm high school. Cov tub ntxhais uas kawm tiav cov hoob CIS yuav tau txais ib co qhab nes los ntawm lub tsev kawm ntawv qib siab thiab yuav muab cov qhab nes ceev cia rau lawv daim ntawv qhab nes kawm qib siab. Muaj ntau lub tsev kawm ntawv kuj muaj tej hoob los yog program zoo xws li no thiab, thiaj thaum lub npe los kuj zoo ib yam thiab. Free Application for Federal Student Aid (FAFSA): Daim ntawv foos application no txhua txhua tus tub ntxhais kawm ntawv qib siab yuav tsum tau ua kom tiav thiaj li txais tau nyiaj los them nqi kawm ntawv yog txais nyiaj pub dawb. Cov ntau ntawv information yuav tsum tau muaj niam thiab txiv thiab tus tub ntxhais cov nyiaj xyoo uas lawv khwv tau thiab tej khoom vaj khoom tsev, thiab yuav tsum rov sau dua tshiab txhua txhua xyoo tus menyuam kawm ntawv qib siab. Financial Aid: Tsev kawm ntawv qib siab yuav xyuas seb yuav pab nyiaj ntau npaum li cas rau tsev neeg raws li qhov nyiaj uas lawv yuav tsum tau thau hnab tso los them thiab tus nqi ntawv uas kawm ntawm ib lub tsev kawm ntawv twg. Kev pab nyiaj txiag kuj los ntawm ntau qhov chaw los, xws li: n n n Nyiaj pab los ntawm Pell grants: Nyiaj txiag los ntawm tsoom fwv hauv teb chaws Meskas uas tau txais es tsis tau them rov qab, yeej muaj rau cov tub ntxhais kawb qib siab uas txom nyem tshaj. Nyiaj pab los ntawm State los yog college grants: Cov nyiaj no tau txais yeej tsis tau them rov qab. Tshem nqee qhov nqi kawm tawm kom txhob them (Tuition waivers): Tej lub tsev kawm ntawv qib siab kuj tshem tej qhov nqi them tawm raws li lawv qhov kev ntse los yog kev txom nyem. 12

15 n n n Work study: Ua hauj lwm hauv tsev kawm ntawv yog muab nyiaj them los ntawv kev pab nyiaj financial aid. Qiv nyiaj (Loans): Cov nyiaj qiv uas yuav tsum tau them rov qab, feem ntau muaj paj tsub rau. Nyiaj pab dawb scholarships: Cov nyiaj no tsis tau them rov qab. Tsev kawm ntawv qib siab thiab lwm cov koos haum yeej muaj cov nyiaj pab dawb no raws li lawv cov kev tsim nyog tau txais. GPA (Grade Point Average): Ib tug qhab nes GPA yog tus qhab nes es muab tag nrho nws cov qhab nes los sib ntxiv seb tau tus qheb nes li cas, feem ntau yog siv 1 (D) txog 4 (A). Ib vib xas uas tau qhab nes ntau yuav siv qhov qhab nes GPA. International Baccalaureate (IB): Cov hoob IB yog qhia los ntawm cov xib fwb nyob hauv high school uas lawv tau mus xyaum qhia cov ntaub ntawv qib siab. Cov tub ntxhais kawm hoob no yuav tau xeem tom qab kawm tag thiab ntau lub tsev kawm ntawv qib siab yuav muab qhab ne rau lawv nyob ntawm seb lawv xeem tau zoo li cas. Major/Minor: Cov tub ntxhais xaiv ib qho as xij es lawv kawm mus rau hom ntawd, uas yog hu ua major. Ib tug tub ntxhais kawm ntawv twg yuav tsum kawm kom tiav tag nrho cov vib xas uas tau teev tseg thiaj li tau txais qhov as xij major thiab thiaj kawm cauv. Tej thaum lawv kuj xaiv qhov as xij thib ob thiab uas yog muaj tsawg hoob rau nws kawm zog, qhov as xij no hu ua minor. Post-Secondary Enrollment Options (PSEO): Nyob hauv lub lav Minnesota, cov tub ntxhais kawm ntawv nyob qib 11th thiab 12th (tej co nyob qib 10th) kuj pub mus kawm ib los yog ntau hoob uas yog cov hoob kawm rau qib siab uas tsis tau them nqi kawm thiab kuj tau txais cov qhab nes thiab. Cov tsev kawm ntawv qib siab kuj tau hais tias yuav tau qhab nes mas nyob ntawm seb hoob ntawv kawm nyuaj npaum cas thiab tus qhab xeem tau zoo li cas, yog li ntawd mas cov tub ntxhais kawm yuav tsum tau mus nrog lawv tus counselor tham kom thiaj li muaj ntau txoj kev xaiv. Project Lead the Way (PLTW): Cov hoob Project Lead the Way classes yog qhia hauv tsev kawm ntawv high school thiab qhia los ntawm cov xib fwm hauv high school thiab yog siv lawv ob sab tes txua khoom uas yog vib xas engineering. PSAT: Yog ib tug xeem standardized test es tsuas yog cov kawm qib 11th xeem uas pab kom lawv xeem thaum lawv xeem tus xeem SAT kom tau zoo. Tus xeem PSAT no thaum xeem tag lawm yuav qhia kom paub ntau zog txog tus menyuam ntawd qhov kev txawj ntse, paub ua, thiab kev nyiam ua, thiab pab ntsuam xyuas seb tus menyuam no puas tau npaj tau mus kawm ntawv qib siab. Tej lub tsev kawm ntawv kuj muaj hoob PSAT10 nyob qib 10th. SAT: Yog ib tug xeem standardized test uas ntau lub tsev kawm ntawv qib siab siv, tshwj xeeb rau cov tsev kawm ntawv qib siab es muaj ntau tus tub ntxhais kawm ntawv cuv npe, tus qhab nes ntawm tus xeem no yuav yog qhov uas lawv siv los txiav txim siab seb yuav txais leej twg tuaj kawm. Tub ntxhais kawm ntawv feem ntau xeem tus xeem no thaum lub caij ntuj no los yog lub caij nplooj ntoos hlav thaum lawv nyob qib 11th. Technical College: Tsev kawm ntawv qib siab uas qhia ib qho as xij twg feem ntau qhov as xij ntawd siv sij hawm tsawg tshaj li ob xyoos los kawm kom tiav kom tau daim ntawv pov thawj. 13

16 Qhov Koom Siab Npaj Kom Txhij Rau Txoj Kev Kawm Ntawv Qib Siab yuav siv zog ua hauj lwm kom muaj cov tub/ntxhais kawm ntawv nyob rau hauv lub xeev Minnesota kom coob tshaj no ntxiv thiab kom muaj ntau haiv neeg uas kawv tag high school kom muaj kev txawj ntse, muaj txuj ci thiab muaj cov keeb kom kawm ntawv qib siab mus tau zoo. COLLEGE OF EDUCATION + HUMAN DEVELOPMENT UNIVERSITY OF MINNESOTA THO KEV mus NRHIAV QHOV TSHIAB Lub tuam tsev kawm ntawv qib siab University of Minnesota yob ib lub uas tso vaj huam sib luag rau txoj kev kawm thiab kev ua hauj lwm. Daim ntawv nthuav tawm no muaj lwm hom kev sau tawm thiab yog hais tias thov tuaj. Thov tuaj rau ntawm Koom Siab Npaj Kom Txhij Rau Txoj Kev Mus Kawm Ntawv Qib Siab, los yog collegeready@umn.edu Luam tawm yam siv cov khoom uas muab zom siv dua tshiab los yog coj mus zom tsim dua tshiab tau nrog rau tsawg kawg ma muaj li ntawm 10% uas yog cov khoom yeej siv ib zaug lawm. Tsim nyob rau xyoo