QHOV KEV NPAJ COJ LOS PIB SIV

Transcription

1 QHOV KEV NPAJ COJ LOS PIB SIV Tus Thawj Tswj Koog Tsev Kawm Ntawv Keith P. Posley, Ed.D. Lub Tsib Hlis, Tim 21 - Lub Yim Hli, Tim 31, Milwaukee Public Schools

2 Ntaub ntawv yog ib yam khoom siv muaj zog tshaj plawg uas koj yuav siv tau los kho lub ntiaj teb mus rau qhov zoo. Nelson Mandela

3 Hawm Txog Cov Neeg Nyob Hauv MPS Lub Zej Zos, Nyob rau lub sij hawm kuv pib los tuav txoj hauj lwm (superintendent) ua tus thawj tswj koog tsev kawm ntawv hauv Milwaukee Public School, kuv xav muab cov kev cia siab thiab npau suav uas kuv muaj rau peb cov tub ntxhais hluas coj los hais qhia rau sawv daws thiab piav saib peb yuav sib koom tes zoo li cas peb thiaj li yuav muab cov kev cia siab thiab npau suav ntawm no coj los ua kom tshwm sim tau. Kuv tau siv 28 lub xyoo hauv kuv lub neej los mus ua ntau txoj hauj lwm nyob rau hauv MPS ua xwb fwb qhia ntawv, ua tus thawj tswj tsev kawm ntawv (principal), thiab ua cov coj hauv tsev kawm ntawv. Txoj hauj lwm kuv tuav los sai tshaj ntawm no yog ua tus Chief School Administration Officer thiab kuv saib tag nrho 160 lub tsev kawm ntawv thiab cov coj hauv cov tsev kawm ntawv ntawd. Nws yog ib lub meej mom zoo uas kuv tau ua hauj lwm nrog nej sawv daws coob coob tug, tau nrog cov me nyuam kawm ntawv sib tham, thiab tau koom tes nrog cov yim neeg thiab lub zej zos. Kev kawm ntawv muaj rau pej xeem (public education) tau hloov kuv lub neej mus rau qhov zoo. Nws ua rau kuv pom kev deb thiab txawj xav. Kuv xav kom MPS cov me nyuam kawm ntawv txhua tus muaj cov cib fim zoo li yam li kuv muaj los mus ua kom lawv txawj xav, los kawm kom paub txhua yam, thiab ua kom tau txhua yam zoo. Kuv cog lus los ua kom tiav lub hom phiaj ntawm no. Koom tes, peb yeej yuav ua tau tiav xwb. Kuv zoo siab heev los mus pib ua kuv tes dej num tuav txoj hauj lwm ua tus thawj tswj koog tsev kawm ntawv. Tsis muaj ib yam dab tsi uas yuav tseem ceeb tshaj qhov peb cov hluas kawm tau ntaub ntawv zoo. Kuv yeej npaj los ua txhua yam kom peb cov me nyuam kawm ntawv txhua tus muaj cov cib fim uas cia lawv muaj kev ua tau qhov zoo ntawm lawv tus kheej thiab kom lawv kawm tau ntaub ntawv zoo nyob hauv Milwaukee Public Schools. Thaum peb mob siab los ua kom txhua tus me nyuam kawm tau ntaub ntawv, kuv yuav mob siab los saib Tsib Yam Tseem Ceeb Hauv Kev Kawm Tau Ntaub Ntawv (Five Priorities for Success): ] Ua kom muaj kev kawm tau ntaub ntawv zoo thiab muaj kev lees paub nyob rau tes dej num ntau tshaj qub ntxiv ] Ua kom koog tsev kawm ntawv muaj kev ua tau txhua yam thiab kev coj zoo dua qub ] Muaj kev cob qhia rau peb cov neeg ua hauj lwm ] Ua kom paub tias tej nyiaj txiag yog coj mus siv zoo li cas thiab tsis muaj kev zais ] Ua kom muaj kev sib txuas lus thiab sib koom tes zoo tshaj qub ntxiv Kuv yuav mus ncig saib cov tsev kawm ntawv thiab mus nug saib koj pom tias tej yam uas koog tsev kawm ntawv ua tau zoo, yam uas tseem yuav tau kho ntxiv yog dab tsi, thiab kom paub cov cib fim los kho kom zoo dua qub. Thov nkag mus rau hauv peb lub vas sab ntawm mpsmke.com/feedback thiab mus sau ntawv qhia rau peb paub tias koj xav li cas. Peb cov me nyuam yuav yog cov coj yav tom ntej. Nws tsim nyog rau peb los npaj kom muaj cib fim ntau rau lawv los kawm kom tau ntaub ntawv zoo. Peb yog cov muaj feem cuam los xyuas kom meej tias txhua tus me nyuam yeej muaj cib fim los mus kawm kom lawv paub ntaub ntawv zoo. Sau npe, Keith P. Posley, Ed.D. Thawj Tswj Koog Tsev Kawm Ntawv Pib.Nyob Twb Ywm. Kawm Tag. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv (Entry Plan) Phab ntawv 1

4 Lub Hom Phiaj Ntawm Qhov Kev Npaj Coj Los Pib Siv Los mus tsim ib txoj kev ua kom tsis muaj kev zais, kom qhov kev hloov tus thawj tswj koog tsev kawm ntawv khiav mus tau zoo thiab tsis muaj teeb meem, kom paub txhua yam tseem ceeb thiab kom tsim muaj cov hom phiaj thiab zeem muag zoo ib yam. Cov Hom Phiaj Ntawm Qhov Kev Npaj Coj Los Pib Siv q Tsim kom muaj kev cia siab tias cov me nyuam kawm ntawv yuav tsum kawm tau ntaub ntawv uas muaj kev pab thiab kev txhawb los ntawm koog tsev kawm ntawv rau cov tsev kawm ntawv thiab cov chav qhia ntawv. w Ua kom qhov kev hloov cov coj dhia tau mus zoo, tsis muaj teeb meem, thiab raws li xav. e Koom tes nrog MPS cov neeg muaj feem cuam los mus tsim ib lub zeem muag rau Milwaukee Public Schools uas muab cov kev kawm nyeem ntawv, kev kawm ua lej thiab kev kawm sau ntawv coj los ua qhov tseem ceeb. r Tsim kom muaj ib qho kev sib nraug zoo thiab ntseeg siab nrog Milwaukee Cov Txwj Laus Saib Xyuas Tsev Kawm Ntawv (Milwaukee Board of School Directors) uas yog cov tuav koog tsev kawm ntawv lub zeem muag thiab hom phiaj thiab kev sib hwm. t Tsim ib qho kev npaj los siv nyiaj txiag uas muab cov chav qhia ntawv thiab qhov kev kawm tau ntaub ntawv zoo ntawm cov me nyuam kawm ntawv coj los ua qhov tseem ceeb. y Tsim kom muaj kev ntseeg siab los ntawm cov pej xeem thiab tsim kom muaj cib fim zoo los nrog cov me nyuam kawm ntawv, cov neeg ua hauj lwm thiab cov neeg hauv lub zej zos sib tham. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv Phab ntawv 2

5 Yam Xav Kom Ua Tau Tiav Hauv Qhov Kev Npaj Coj Los Pib Siv Ib qho kev tshawb xyuas los muab tsev kawm ntawv thiab lub zej zos cov tswv yim los ua ib tus qhia cov dej num nyob rau lub sij hawm koog tsev kawm ntawv yuav muab cov kev npaj los dhia dej num siv coj los pab ua kom cov me nyuam kawm tau ntaub ntawv zoo, dhia dej num tau zoo, thiab muab dej num faib tau haum rau neeg ua. Ib lus zeem muag uas muaj cov kev pab cuam thiab cov dag zog yuav siv los pab kom txhua tus me nyuam kawm tau ntaub ntawv. Ib lub hauv paus txhawb cov dag zog uas siv los ua kom peb cov me nyuam kawm ntawv kawm tau ntaub ntawv zoo tshaj qub, kom cov neeg ua hauj lwm muaj kev koom tes ntau tshaj qub, thiab ua kom lub zej zos muaj kev koom tes thiab paub txog koog tsev kawm ntawv ntau tshaj niaj hnub no. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv (Entry Plan) Phab ntawv 3

6 Yam Tseem Ceeb Hauv Qhov Kev Npaj Coj Los Pib Siv I. Milwaukee Cov Txwj Laus Saib Xyuas Tsev Kawm Ntawv Los xyuas kom meej tias koog tsev kawm ntawv yeej muaj lub hom phiaj pom meej meej los mus pab kom tau txhua tus me nyuam, tsim muaj kev sib raug zoo nyob ntawm txhua tus Txwj Laus Saib Xyuas Tsev Kawm Ntawv thiab qhov chaw Office of Board of Governance kom muaj kev sib ntseeg siab, muaj ua qhov zoo, muaj kev koom tes thiab qhib siab lug los sib pab. ] Muab Qhov Kev Npaj Coj Los Pib Siv mus hais qhia rau cov txwj laus saib xyuas tsev kawm ntawv saib lawv hom pom li cas. ] Teem caij mus ntsib txhua tus txwj laus saib xyuas tsev kawm ntawv los mus sib tham kom muaj kev sib ntseeg siab, muaj kev sib raug zoo, kom muaj lub zeem muag dav, thiab tsim kom muaj kev sib txuas lus tau yooj yim rau ob tog. ] Teem ib qho kev sib sau ua ke los mus sib tham kom paub txog cov kev npaj los siv rau kev sib txuas lus, cov luag hauj lwm thiab cov dej num ntawm cov neeg, thiab sib tham txog lwm yam uas yuav pab tsim kom muaj kev sib raug zoo los dhia dej num. ] Tsim kom muaj rooj sib tham nrog cov txwj laus txhua tug tsis tseg. ] Tsim kom muaj rooj sib tham nrog (cov) thawj tswj ntawm cov txwj laus los mus muab cov ntsiab lus hauv cov rooj sib tham coj los xyuas thiab kho. ] Mus koom cov txwj laus thaum lawv mus ncig xyuas cov tsev kawm ntawv thiab cov kev sib sau ua ke nyob hauv tsev kawm ntawv. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv Phab ntawv 4

7 II. Kev Dhia Dej Num Hauv Koog Tsev Kawm Ntawv thiab Kev Muab Dej Num Faib Rau Neeg Ua Muab qhov kev dhia dej num tam sim no coj los xyuas los mus txiav txim saib peb yuav npaj kev pab zoo li cas rau cov tsev kawm ntawv thiab txiav txim saib qhov twg yog qhov tseem yuav kho tau kom zoo tshaj ntxiv. ] Muab cov ntaub ntawv tseem ceeb coj los xyuas dua suav nrog rau qhov kev npaj los dhai dej num, qhov kev npaj los dhia dej num Long-Range Facilities Master Plan, qhov kev npaj rau kev siv nyiaj txiag thiab kev kwv yees tias yuav tau nyiaj txiag npaum li cas los, daim ntawv teev cov luag hauj lwm nyob hauv koog tsev kawm ntawv, yam uas qhov kev tshawb xyuas pom tias muab cov nyiaj txiag siv zoo li cas, cov nyiaj thov tau los pab, thiab siv cov me nyuam kawm ntawv tej tawv nqaij, tub ntxhais, qhov lawv kawm tau ntaub ntawv zoo li cas los mus txiav txim saib yuav muab cov dej num faib rau neeg ua zoo li cas, yuav dhia dej num zoo li cas, thiab yuav ua li cas thiaj li dhia tau dej num zoo thiab tiav. ] Muab qhov kev dhia dej num hauv koog tsev kawm ntawv tam sim no coj los xyuas raws li qhov cov me nyuam kawm ntawv kawm tau ntaub ntawv, dhia dej num tau zoo thiab muab hauj faib rau cov neeg ua. ] Mus nrog cov coj uas tau coj los ntev lawm sib tham txhua lub lim piam los mus tsim cov kev npaj los dhia dej num siv sij hawm luv thiab cov kev npaj los dhia dej num siv sij hawm ntev kom tsim tau raws sij hawm thiab los dhia tau dej num thiab los tsim cov lus tswj fwm rau cov rooj sib tham thiab kev sib txuas lus. ] Koom tes nrog koog tsev kawm ntawv thiab cov neeg ua hauj lwm hauv tsev kawm ntawv kom pib tau lub xyoo kawm ntawv zoo nrog txhua yam uas xav kom cov neeg ua tau thiab yam yuav kom ua tau tiav. ] Npaj kom muaj lub rooj sib sau ua ke nrog cov coj uas tau coj los ntev lawm los mus muab qhov kev npaj los dhia dej num, cov ntaub ntawv qhia qhov kev kawm tau ntaub ntawv coj los xyuas thiab sib tham txog qhov kev muab cov dej num faib rau cov coj ua, cov lus tswj fwm kev dhia dej num, cov kev ib txwm dhia dej num thiab txhua yam niaj hnub siv. ] Thov kom txhua phab hauj lwm qhia tias siab lawv qhov dej num tam sim no yog dab tsi, cov dej num tseem ceeb nrog cov sij hawm yuav siv los ua cov dej num ntawd kom tiav, thiab muab xyuas saib puas muaj tej yam uas yuav muab kho kom dhia dej num tau zoo tshaj qub. ] Muab cov dej num tseem ceeb coj los faib rau neeg ua los mus ua kom cov me nyuam kawm tau ntaub ntawv zoo thiab dhia tau hauj lwm zoo thiab tsis muaj qhov txawv, yuav ua rau koog tsev kawm ntawv hais tau lus siv tib lub suab. ] Muab cov lus tau txais los ntawm txhua phab hauj lwm coj mus nrog tus coj ntawm phab hauj lwm ntawd sib tham. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv (Entry Plan) Phab ntawv 5

8 III. Qhov Kev Npaj Los Siv Nyiaj Txiag Tshawb kom nkag siab zoo txog koog tsev tsev kawm ntawv cov nyiaj txiag muaj los siv rau hauv lub xyoo. Pib mus nrog Milwaukee Cov Txwj Laus Saib Xyuas Tsev Kawm Ntawv thiab lwm cov neeg muaj feem cuam sib tham los mus xyuas kom meej tias yeej npaj tau cov kev npaj los siv nyiaj txiag yav tom ntej lawm. ] Muab koog tsev kawm ntawv cov ntaub ntawv qhia txog cov nyiaj txiag tseem ceeb coj los xyuas dua thiab tshawb nrhiav suav nrog rau, tiam sis tsis yog tag rau: qhov kev npaj nyiaj txiag siv los dhia dej num, cov kev kwv yees tias yuav tau nyiaj npaum li cas los, kev muab cov nyiaj faib mus siv, thiab kev tsim qhov kev npaj los siv nyiaj txiag. ] Muab qhov kev tshawb xyuas uas nyuam qhuav ua tiav los sai sai no, cov nyiaj pab thiab koog tsev kawm ntawv cov ntawv cog lus thiab cov lus tswj fwm cov ntawv cog lus coj lus xyuas dua. ] Mus nrog cov neeg tseem ceeb uas tswj nyiaj txiag thiab cov coj sib tham txog qhov kev npaj los siv nyiaj txiag, kev dhia dej num thiab cov cib fim los dhia dej num kom tau zoo tshaj qub. ] Txiav txim saib cov tswv yim pom tias yuav pab tau thiab cov kev npaj los dhia dej num uas yuav txhawb txoj kev siv nyiaj txiag tau zoo thiab tsis muaj kev zais yog cov twg. ] Tsim ib qho kev npaj los dhia dej num uas muaj txhua yam los mus ua kom muaj kev pab ntau ntxiv los ntawm kev yuav tau sib zog suav nrog rau, tiam sis tsis yog tag rau: ua kom cov me nyuam kawm ntawv tsis txhob tawm mus kawm nyob rau lwm koog tsev kawm ntawv, ua kom muaj cov me nyuam kawm ntawv tshiab nkag los kawm hauv koog tsev kawm ntawv, thov kom tau nyiaj sab nraum los pab, thiab cog kom muaj kev koom tes ntau tshaj ntxiv. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv Phab ntawv 6

9 IV. Cov Me Nyuam Kawm Ntawv Txoj Kev Kawm Tau Ntaub Ntawv Koog tsev kawm ntawv qhov dej num tseem ceeb tshaj yog los mus npaj kom muaj cov kev kawm ntawv zoo rau cov me nyuam kawm ntawv txhua tug. Cov xwb fwb qhia ntawv yuav siv cov ntaub ntawv qhia qib K-12 uas nyuaj coj los qhia, saib xyuas qhov tus me nyuam kawm ntawv ua tau zoo, thiab xyuas kom meej tias yeej npaj muaj cov cib fim thiab kev pab rau cov me nyuam kawm ntawv txhua tug. ] Tsim ib txoj kev coj uas cov me nyuam kawm ntawv, cov yim neeg, cov neeg ua hauj lwm thiab lub zej zos ntseeg tias txhua tus me nyuam kawm ntawv yeej yuav kawm tau ntaub ntawv, thiab peb los yeej npaj siab los ua kom peb pab tau txhua tug me nyuam kawm ntawv. ] Muab cov kev kawm ntawv, cov khoom pab thiab qhov kev cob qhia tam sim no coj los xyuas thiab kawm los mus txiav txim siab puas pab tau txhua tus me nyuam kawm ntawv. ] Muab cov ntaub ntawv qhia txog cov me nyuam kawm ntawv qhov kev kawm tau ntaub ntawv thiab qhov pom raws li muaj yav tag los coj los xyuas thiab kawm. ] Muab cov kev npaj los pab cov me nyuam kawm ntawv uas yuav tsum muaj kev pab ntxiv nrog rau kev ua kom cov me nyuam kawm ntawv mus kawm tau cov kev kawm uas qhia nyuaj coj los xyuas thiab kawm. ] Muab cov khoom siv los ntsuas qhov kev kawm tau ntaub ntawv zoo tam sim no uas ntsuas cov me nyuam kawm ntawv txoj kev paub ntaub ntawv nrog qhov kev kawm tau ntaub ntawv siab ntxiv. ] Xyuas kom meej tias txhua tus me nyuam kawm ntawv yeej tau txais cov kev pab uas haum thiab tsim los rau nws siv. ] Npaj ib qho kev pab los siv rau cov tsev kawm ntawv uas cov me nyuam kawm ntawv yeej kawm tsis tau ntaub ntawv zoo los ntev lawm. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv (Entry Plan) Phab ntawv 7

10 V. Cov Yim Neeg thiab Lub Zej Zos Nkag siab txog tag nrho lub zej zos tej kab lig kev cai, keeb kwm thiab yam xav kom ua tau tiav yog qhov tseem ceeb rau ntawm qhov peb yuav ua kom tiav. Yuav mus tsim kev sib raug zoo nrog cov neeg muaj feem cuam los mus mloog lawv cov tswv yim thiab muab koog tsev kawm ntawv cov kev npaj los dhia dej num hais qhia rau lawv saib lawv hom xav li cas. ] Tsim muaj kev sib tham nrog cov neeg tseem ceeb uas muaj feem cuam suav nrog rau cov tsev kawm ntawv qib siab plaub xyoos, cov lag luam, cov coj rau kev ntseeg thiab cov neeg tuav dej num hauv lub nroog thiab lub xeev. ] Tsim kom muaj kev sib raug zoo nrog cov koom haum txhawb kev coj noj coj ua, pab tib neeg thiab lub zej zos. ] Muab koog tsev kawm ntawv cov kev txuas lus thiab cov kev nrog lwm tus neeg sib tham los mus txiav txim saib qhov kev npaj los sib txuas lus uas tsim nyog yog qhov zoo li cas. ] Ua kom muaj cib fim ntau rau cov me nyuam kawm ntawv los mus muab lawv cov tswv yim, qhov lawv xav, thiab qhov lawv hnyav siab hais tawm. ] Teem kom muaj cov rooj sib tham nrog koog tsev kawm ntawv cov koom haum rau neeg ua hauj lwm. ] Teem muaj cov sij hawm los mloog pawg neeg uas los cob cov coj hauv cov tsev kawm ntawv, cov niam txiv, cov me nyuam kawm ntawv, thiab lub zej zos. ] Muaj kev txuas lus nrog cov chaw tshaj xov xwm hauv lub nroog los tsim kom muaj kev tswj fwm rau cov kev sib txuas lus uas niaj hnub muaj thiab cov kev sib txuas lus thaum muaj teeb meem ceev tam sim. ] Npaj kom muaj ib co hnub uas yuav mus koom kev teev ntuj thiab sib tham nrog cov neeg coj kev cai ntuj thiab cov koom haum rau kev ntseeg. Tus Thawj Tswj Koog Tsev Kawm Ntawv Qhov Kev Npaj Coj Los Pib Siv Phab ntawv 8

11 Milwaukee Cov Txwj Laus Saib Xyuas Tsev Kawm Ntawv Yuav hu tau rau cov txwj laus ntawm MPS Office of Board Governance, (414) Jacqueline M. Mann, Ph.D., Board Clerk/Chief Mark Sain District 1, Tus Thawj Tswj Larry Miller District 5, Tus Lwm Thawj Tswj Wendell Harris, Sr. District 2 Michael Bonds, Ph.D. District 3 Annie Woodward District 4 Luis A. Báez (Tony), Ph.D. District 6 Paula Phillips District 7 Carol Voss District 8 Terrence Falk At-Large Keith P. Posley, Ed.D., Tus Thawj Tswj Koog Tsev Kawm Ntawv Tam Sim No 5225 W. Vliet St. Milwaukee, WI (414) mps.milwaukee.k12.wi.us Pawg Neeg Thawj Coj Gina Spang, P.E., Thawj Tswj Cov Neeg Ua Hauj Lwm Tonya Adair, Thawj Tswj Kev Tsim Yam Tshiab thiab Khaws Ntaub Ntawv thiab Tus Tuav Txoj Hauj Lwm Thawj Tswj Kev Kawm Ntawv Thomas P. Conjurski, Thawj Tswj Tuav Nyiaj Txiag Himanshu Parikh, Thawj Tswj Saib Xyuas Neeg Ua Hauj Lwm Tsis muaj neeg tuav, Thawj Tswjhwm Lub Tsev Kawm Ntawv Wendell Willis, hawj Tswj Saib Xyuas Kev Dhia Dej Num Sue Saller, Tus Neeg Saib Xyuas III, Tus Thawj Tswj Cov Koog Tsev Kawm Ntawv Teg Dej Num Maricha Harris, Tus Neeg Pab Tshwj Xeeb rau Tus Thawj Tswj Cov Koog Tsev Kawm Ntawv LUS CEEB TOOM TXOG KEV TSIS PUB MUAJ KEV SIB CAIS Nws yog txoj cai tswjfwm ntawm Milwaukee Public Schools, raws li tshooj , ntawm Wisconsin Tsab Cai Lij Choj hais tias tsis pub kom muaj ib tug neeg twg yuav raug txwv kom nkag tsis tau mus kawm rau hauv tsoom fwv ib lub tsev kawm ntawv twg lossis yuav raug txwv kom tsis pub txais kev pab ub no, lossis muaj kev cais tsis pub kawm ib hom kev kawm, ib hom kev kawm sab nraum, kev pabcuam rau cov menyuam kawm ntawv, kev ua si lossis kev qhia lwm yam lossis lwm yam dej num vim tias tus neeg ntawd yog poj niam lossis txiv neej, yog ib haiv neeg txawv, yog neeg nqaij tawv txawv xim txawv, neeg ntseeg ib yam kev cai dab qhuas txawv, yog neeg nyob ib lub teb chaws txawv tuaj, neeg keeb kwm caj ceg txawv, yog neeg muaj kev ntseeg txawv, yog tus neeg cev xeeb tub, muaj txij nkawm lawm lossis yog niam yog txiv lawm, yog neeg nyiam deev poj niam lossis txiv neej lossis nyiam cev poj niam lossis txiv neej, neeg muaj kev xiam oob qhab rau ntawm lub cev, lub paj hlwb, kev xav lossis kev kawm. Txoj cai ntawm no los kuj txwv tsis pub kom muaj cov kev muab neeg saib ntaus nqi tsis zoo ib yam uas muaj nyob hauv tsoom fwm cov tsab cai, nyob rau hauv Title VI of the Civil Rights Act of 1964 (haiv neeg nqaij tawv dab tsis, nqaij tawv xim dab tsis, thiab haiv neeg los qhov twg los), Title IX of the Education Amendments of 1972 (poj niam lossis txiv neej), thiab Section 504 of the Rehabilitation Act of 1973 (kev xiam oob qab), thiab the Americans with Disabilities Act of 1990 (kev xiam oob qab). Cov neeg nram qab no yog cov neeg raug tsa los dhia dej num rau cov kev neeg nug txog cov cai hais txog kev tsis pub muab neeg sib cais saib ntaus nqi tsis zoo ib yam: Rau section , Wisconsin Statutes, federal Title IXMatthew Boswell, Director, Department of Student Services, Room 133, Milwaukee Public Schools, 5225 W. Vliet St., P.O.Box 2181, Milwaukee, Wisconsin, (414) Rau section 504 of the Rehabilitation Act of 1973 (Section 504), federal Title II: Jeff Molter, 504/ADA Coordinator for Students, MPS Department of Specialized Services, 6620 W. Capitol Drive, Room 216, Milwaukee, Wisconsin, (414) TTY: (888)

12 Milwaukee Public Schools 5225 W. Vliet Street Milwaukee, WI mpsmke.com