Niam/Txiv txoj Kev Taw mus Kawm Ntawv Qib Siab thiab Npaj Kom Txhij Rau Txoj Kev Mus Ua Hauj lwm

Transcription

1 Niam/Txiv txoj Kev Taw mus Kawm Ntawv Qib Siab thiab Npaj Kom Txhij Rau Txoj Kev Mus Ua Hauj lwm TXOJ KEV TAW KOJ LOS TXHAWB KOJ TUS MENYUAM TXOJ NPAU SUAV Koom Siab Npaj Kom Txhij Rau Txoj Kev Mus Kawm Ntawv Qib Siab UNIVERSITY OF MINNESOTA THO KEV mus NRHIAV QHOV TSHIAB Tsim los ntawm lub tsev kawm ntawv qib siab University of Minnesota Koom Siab Npaj Kom Txhij Rau Txoj Kev Kawm Ntawv Qib Siab 1

2 PIB QHIA TXOG Nyob rau hauv lub ntiaj teb tam sim no, daim ntawv pom thawj uas kawm ntawv qib siab tiav hlo yuav yog ib yam uas cov hauj lwm uas yuav uas kav mus ib sis thiab them nyiaj kom txaus noj txaus haus thiab kom muaj qhov nce ib qib zuj zus mas lawv xav kom tau ntawm pov thawj ntawv. Kev kawm ntawv qib siab nrog rau cov kawm plaub-xyoo xws li lub tuam tsev qhia ntawv qib siab University of Minnesota, nrog rau cov tuam tsev qhia ntawv hauv zej zog (community) thiab cov tuam kev kawm (technical) uas cov tub/ntxhais kawm yuav muaj tsab peev xwm kawm kom tau lawv daim npav kawm ob-xyoos (associate degree) los yog tau daim npav kawm rau ib faim uas yuav npaj lawv mus ua hauj lwm rau faim ntawv. Niam thiab txiv, pog thiab yawg/niam tais/yawm txiv thiab lwm cov neeg laus uas muaj kev txhawb thiab hlub mas muaj feem loj heev rau ib tug menyuam twg txoj kev kawm ntawv. Txoj kev taw nov yuav pab koj txhawb txog koj tus menyuam txoj kev yuav npaj mus kawm ntawv qiv siab thaum nyuam qhuav pib kawm preschool tag nrho thaum kawm tiav high school. Qhov no yog hais tau los ntawm txoj kev tshawb siv los tsim kho ntawm Ramp-Up to Readiness, yog ib txoj kev pab thoob plaws ntawm lub tuam tsev kawm ntawv los tsim kho kom muaj cov menyuam ntau dua thiab muaj cov menyuam uas yog lwm haiv neeg ntau dua uas tau kawm tiav hlo high school kom lawv paub, muaj txuj ci, thiab muaj cov keeb uas kom kawm ntawv qib siab mus tau zoo. Ramp-Up to Readiness cov tuam tsev kawm ntawv npaj cov tub/ntxhais kawm ntawv qib siab rau tsib nqe hauv qab no: Npaj txhij rau Txoj Kev Kawm (Academic Readiness): Kom kawm tau zoo rau xyoo ib cov hoob kawm tag nrho kawm tau qhab nia ntawm tsev kawm technical college, community college los yog tsev kawm plaub-xyoos Npaj txhij kom Nkag Tau (Admissions Readiness): Kom npaj txhua yam kom txhij uas cov tuam tsev qhia ntawv qib siab thiaj li tso cai nkag mus kawm tau Npaj txhij rau Txoj Kev Ua Hauj Lwm (Career Readiness): Npaj kom paub tau hais txog cov hauj lwm twg thiaj li phim yus tus yam ntxwv, nyiaj txiag, thiab lwm cov hom phiaj thiab kom muaj kev nkag siab txog cov txuj ci, meej mom (crendentials), thiab cov hauj lwm ua yav tag los uas cov hauj lwm tshiab no xav pom mas thiaj li yuav ua cov hauj lwm ntawv mus tau zoo Npaj txhij txog Nyiaj Txiag (Financial Readiness): Npaj txhij kom them tau cov nqi kawm ntawv thawj semester ntawm lub tuam tsev qhia ntawv qib siab yam siv cov nyiaj hauv qhov chaw khaws nyiaj cia (savings), nyiav nqiv, thiab cov nyiaj pab (financial aid) Npaj txhij rau Yus Tus Kheej thiab Kev Sib Raug Zoo nrog Lwm Tus (Personal and Social Readiness): Npaj txoj kev uas tsim lub hom phiaj ntawm txoj kev kawm, tsim thiab tswj kom mus txog lub hom phiaj, thiab ntaus phooj ywg nrog rau cov neeg zoo sib xws thiab cov neeg laus uas muaj kev txhawb kom kawm ntawv tau mus zoo Cov tswv yim nyob rau daim ntawv taw kev no muaj ntau txoj kev los pab cov tsev neeg yuav pab tau cov tub/ntxhais kawm kom lawv npaj txhij rau tsib yam ntawv. Yog xav paub tshaj no ntxiv txog vim li cas kev kawm ntawv qib siab yog ib yam tseem ceeb, mus saib ntawm (Qhov uas Yuav Npaj Txhij Rau Kev Kawm Ntawv Qib Siab) los yog

3 Npaj Kawm Ntawv Qib Siab Txij thaum yog Menyuam Yaus Txog Thaum High School Txhawb kev nyeem ntawv: Nyeem ntawv pab kom paub siv cov lus thiab yog ib yam siv lub hlwb rau txhua txoj kev kawm. 4 Nrog koj tus menyuam tham, pib thaum nws tseem mos ab. 4 Taw tes rau cov lus ntawm cov paib rau cov menyuam uas pib kawm preschool. 4 Siv li 20 feeb los nyeem ntawv rau koj tus menyuam, los yog kom koj tus menyuam nyeem ntawv rau koj mloog. n Cov tub/ntxhais kawm ntawv uas loj zog yuav tsum nyeem ntawv rau lawv tus kheej txhua hnub, tiam sis feem ntau tseem xav mloog cov laus nyeem ntawv rau lawv mloog. n Mus rau cov tuam tsev library pub dawb rau pej xeem mus nrhiav ntawv thiab cov ntawv (magazines) los yog mus nyeem ntawv xov xwm. Nco ntsoov hais tias, kev txawj ntse tsis yog txhim kho tau ib zaug xwb: Mob siab thiab rau siab thaum muaj qee yam nyuaj yog cov cwj pwm zoo ntawm tus tub/ntxhais uas kawm tau zoo. 4 Qhia koj tus menyuam hais tias, Txawj ntse tsis yog koj, txawj ntse yog qhov koj siv zog kawm kom tau. 4 Qhuas koj tus menyuam txoj kev siv zog ua, tsis yog qhuas thaum nws ua tau zoo xwb; hais tej yam zoo li no: Kuv nyiam thaum koj siv zog ua cov lej ntawm ko txawm hais tias nws nyuaj heev. Pab koj tus menyuam tsim cov hom phiaj: Tsim cov hom phiaj yog ib txoj kev zoo ua, thiab yog ua tau raws li cov hom phiaj yog ib txoj kev taw kom muaj siab. 4 Pab koj tus tub/ntxhais tsim/ua kom tau cov hom phiaj SMART txog tus cwj pwm, tswj cov sij hawm los kev kawm ntawv: n Specific (meej meej) n Measurable (luj tau) n Attainable (ua tau) n Relevant (muaj feem xyuam) n Timely (ncav sij hawm) Tsim lub sij hawm los ua homework txhua hmo: 4 Muaj TV, xov tooj ntawm tes thiab lwm yam uas yuav los cuam tshuam tua. 4 Pab koj tus menyuam soj nws cov homework kom paub meej hais tias nws ua tag nrho yog lawm. 1

4 Muaj kev sib tiv tauj nrog lub tsev kawm ntawv: 4 Mus koom thaum muaj xib fwb/niam txiv kev sib tham thiab siv lub tsev kawm ntawv txoj kev khiav dej num kom paub meej txog koj tus menyuam txoj kev kawm tau zoo li cas thiab tau qhab nia zoo li cas. 4 Yog hais tias koj muaj lus nug, mus cuag koj tus menyuam tus xib fwb qhia ntawv. 4 Pab hais kom koj tus menyuam siv ib phau ntawv ceev ntaub ntawv (planner) los yog (binder) thiab los saib txhua hmo kom paub tau hais cov uas yuav tau ua tom ntej yog dab tsi. 4 Nug cov xib fwb los cov counselors pem tsev kawm ntawv saib cov hoob uas koj tus menyuam kawm puas yuav npaj nws mus kawm ntawv qib siab, thiab saib nws cov qhab nia thaum mus xeem ntawv puas qhia tau hais tias nws yeej npaj txhij mus kawm ntawv qib siab lawm. Pab txhawb kom muaj tus menyuam mus nrhiav kev pab: Xyaum kom paub hais tias thaum twg thiab yuav nrhiav kev pab li cas yog ib txoj txuj ci tseem ceeb rau txoj kev kawm ntawv qib siab thiab rau txoj kev ua neej. Yog ib qho zoo uas mus nrhiav kev pab thaum ntxov ua ntej qhov teeb meem ntawv loj tshaj. 4 Yog hais tias koj xav hais tias koj tus menyuam xav tau kev pab tshaj, koj los yog koj tus menyuam kuj nug tus xib fwb los yog tus counselor txog kev pab qhia ntawv los yog lwm cov kev pab uas muaj nyob rau tom tsev kawm ntawv. Pib tseg nyiaj rau kev kawm ntawv qib siab: Muaj ntau txoj hau kev es ua tau kom them taus txoj kev kawm ntawv qib siab. Txawm hais tias tseg nyiaj me me xwb los yeej sib ntxiv tau ntau yog hais tias tseg tas li ntev ntev mus. 4 Mus saib tsim ib qho rau ntawm Minnesota College Savings Plan thiab lwm cov tswv yim tseg nyiaj ntawm mnsaves.org. 4 Khij daim qauv FAFSA (Free Application for Federal Student Aid) kom khwv yees saib koj tus menyuam yuav tau kev pab los ntawm financial aid ntau npaum li cas. Koj mus nrhiav tau ib daim qauv ntawm studentaid.ed.gov/fafsa/estimate los yog Tus lej cim Social Security yuav tsis tas muaj yog es thiaj li mus tau ntawv qib siab, tiam sis yuav tsum muaj yog hais tias xav tau kev pab financial aid los ntawm tsoom fwv. Yog hais tias tsis tau muaj leej twg nyob hauv koj tsev neeg tau mus kawm ntawv qib siab dua li, firstinthefamily.org tej zaum yuav muaj kev pab. 2

5 Npaj mus Kawm Ntawv Qib Siab Rau Cov Menyuam Kawm Ntu Nrub Nrab (middle school) (Qib 6 txog qib 8) Pab hais koj tus menyuam kom rau siab kawm ntawv thiab xaiv cov hoob kawm nyuaj zog: Cov hoob uas qhia rau cov menyuam kawm ntu nrub nrab (middle school) yog cov hoob uas tseem ceeb heev yuav npaj lawv mus kawm rau high school. Mus saib ntau hom hauj lwm uas koj nyiam: 4 Nug koj tus menyuam hais txog cov yeeb yam uas nws nyiam, thiab mus saib cov hauj lwm uas muaj feem xyuam nrog rau qhov nws nyiam. 4 Nrhiav txoj hau kev kom koj tus menyuam muaj kev npau suav mus kawm ntawv qib siab. Piv txwv, saib tus menyuam xav yog ib tus neeg tshaj lij txog faim ncaws/ntaus pob los yog ib tus neeg txiav ris tsho, qhia rau nws hais tias cov hauj lwm ntawv mas yuav tsum muaj kev kawm ntawv qib siab. 4 Mus saib kids.usa.gov/teens-home/index.html los yog nasa.gov/ audience/forstudents/5-8/index.html muaj cov websites uas in qho lom zem rau koj mus saib ntau faim hauj lwm. 4 Cov khoom sib txuas lus nrog, iseek.org/careers/realitytool.html, yuav pab koj tus menyuam paub ntsuas txog kev uas nws lub neej nrog rau kev kawm ntawv qib siab thiab saib yuav xaiv faim hauj lwm twg. Tsim cov keeb kom kawm tau ntawv zoo: Tsim cov kev txawj ua ib qho zuj zus (organizational), xyaum kom paub nrhiav kev pab los ntawv cov neeg ua hauj lwm tom tsev kawm ntawv thiab tsim kom muaj kev sib raug zoo yog cov txuj ci zoo los pib thaum tseem kawm ntu nrub nrab (middle school). 4 Kuaj koj tus menyuam phau binder los yog phau planner txhua hmo. 4 Pab koj tus menyuam tsim kev sib raug zoo nrog cov neeg zoo xws li nws uas muaj txoj kev txawj txiav txim siab zoo thiab tsim cov keeb saib ntawv zoo. 4 Pab koj tus menyuam xyaum luj nws tus kheej (xws li educationplanner.org/ students/self-assessments/learning-styles.shtml) kom los qhia tau saib nws txoj kev saib ntawv thiab kawm ntawv tau zoo tshaj yog qhov twg. Koom nrog rau lwm cov yeeb yam: Cov tsev kawm ntawv qib siab xaib cov tub/ntxhais kawm ntawv uas txawj txhua yam uas yog hom mus ua hauj lwm pub dawb los yog koom tes nrog rau lub tuam tsev kawm ntawv thiab cov yeeb yam hauv zej zog. Cov yeeb yam yog ib txoj kev zoo mus paub lwm cov tub/ntxhais kawm ntawv los yog kom swm lwub tsev kawm ntawv tshiab. 4 Mus cuv koj tus menyuam lub npe rau cov yeeb yam pem tsev kawm ntawv los yog hauv zej zog. 3

6 Mus kawm txog cov nqi kawm tawv qib siab thiab cov nyiaj financial aid: Ua kom yus paub me ntsis txog cov nqi kawm ntawv qib siab thiab cov kev uas yuav los them cov nqi ntawv, nrog rau cov nyiaj pub (grants), qiv thiab cov nyiaj pab hu ua scholarships. 4 Mus saib qhov them ( Paying ) ntawm 4 Mus saib cov videos thiab kom paub tshaj no ntxiv ntawm mnprivatecolleges.org/paying. 4 Muab kom tau qhov khwv yees saib koj tus menyuam yuav tau financial aid ntau npaum li cas yam siv cov khoom npaj ntawm studentaid.ed.gov/fafsa/estimate los yog Estimator/firstQuestions.cfm. Mus xeem tus xeev hu ua Explore thaum nyob qib 8: Tus xeem hu ua Explore yog ib tug xeem zoo los xyaum rau tus xeem ACT thaum mus cuv npe kawm ntawv qib siab uas cov tub/ntxhais kawm ntawv yuav tsum tau mus xeem thaum lawv nyob qib 11. Nws yuav qhia saib koj tus tub/ntxhais puas npaj txhij mus kawm tau ntawv qib siab dhau li ntawm txoj kev qhia saib cov hauj lwm twg thiaj li phim koj tus menyuam. 4 Rov soj saib xeem tau li cas nrog koj tus menyuam thiab nws tus xib fwb los yog tus counselor. Cuv npe rau qib 9: Feem ntau mas cov tub/ntxhais kawm ntawv pib cuv npe mus kawm high school thaum lawv tseem nyob qib 8. 4 Yuav tsum saib kom koj tus menyuam cuv npe mus kawm cov hoob uas yuav ua kom koj tus menyuam npaj tau mus kawm ntawv qib siab. Feem ntau ntawm cov tsev kawm ntawv qib siab xav kom muaj xws li: n 4 xyoos kawm lej n 4 xyoo kawm ntawv Askiv n 3 xyoos kawm science (nrog rau biology thiab chemistry) n 2-3 xyoos kawm lwm hom lus n 4 xyoos kawm social studies n 1 xyoos kawm kos duab (art) ( nrog rau yas suab) Txawm hais tias cov hoob no kuj yuav tsis tas kawm thiaj li mus tau rau cov tsev kawm 2 xyoo hauv community los yog technical cov tsev kawm ntawv qib siab, cov hoob no yeej yog ib txoj kev npaj zoo rau txhua tus tub/ntxhais kawm ntawv qib siab. 4 Pab hais kom koj tus menyuam kawm hoob lej, hoob science thiab hoob technology vim hais tias cov hauj lwm mus rau yav pem suab yuav yog nyob rau cov faim no. 4

7 Npaj mus Kawm Ntawv Qib Siab Rau Cov Menyuam Kawm Nyob Rau High School Qib 9: Tsim ib lub sij hawm los ua homework txhua hmo: Muab TV tua, Muav xov tooj ntawm duav tua thiab rhuav tshem txhua yam uas muaj kev cuam tshuam. Suav cov qhab nia lawm: Feem ntau ntawm cov tub/ntxhais kawm ntawv xav hais tias lawv cov qhab nia nyob rau qib 9 yuav tsis siv coj los ntau nqi rau thaum mus cuv npe nkag mus kawv ntawv qib siab. Tsis yog hais tias suav cov qhab nia xwb, kawm tau cov hoob ntawv mus tau zoo yob ib qho uas yuav npaj koj mus kawm cov hoob uas nyuab tshaj thaum mus kawm high school. 4 Yog hais tias koj lub tsev kawm ntawv muaj kev mus saib koj cov qhab nia hauv computer, mus kuaj koj cov kev kawm tau zoo li cas tas mus li. 4 Yog hais tias koj tus tub/ntxhais kawm ntawv kawm tsis tshua tau ntawv zoo pes tsawg, mus cuag tus xib fwb los yog tus counselor mus nrhiav lwm txoj kev pab ntxiv. Tsis txhob tos rau thaum lub semester twb yuav los xaus. Koom nrog rau lwm cov yeeb yam: Cov tsev kawm ntawv qib siab xaiv cov tub/ ntxhais kawm ntawv uas txawj txhua yam uas yog hom mus ua hauj lwm pub dawb, muaj hauj lwm thiab/los yog koom nrog cov yeeb yam pem tsev kawm ntawv. 4 Pab kom koj tus menyuam muaj kev koom nrog cov yeeb yam pem tsev kawm ntawv los yog hauv zej zog. 4 Saib txoj kev ua home work kom tseem ceeb yam pab tsim txoj kev txawj tswj cov sij hawm. Cuv npe mus kawm qib 10 cov hoob kawm ntawv: Kev cuv npe mas kuj pib ntxov li thaum lub 1 hlis. 4 Kav tsij soj txoj kev cuv npe kom zoo kom koj tus tub/ntxhais kawm cov hoob kawm ntawv uas yuav npaj nws mus kawm ntawv qib siab. Mus Siv Cav Laij Cov Nyiaj Financial Aid: Qhov nov yuav khwv yees kom meej tshaj saib koj tsev neeg yuav tau them nqi kawm ntawv qib siab npaum li cas. 4 Mus xyuas FAFSA4caster ntawm studentaid.ed.gov/fafsa/estimate kom khws yees tau hais saib cov nqi kawm ntawv qib siab yuav raug li cas thiab mus nrhiav cov kev pab npaj. 4 Pab hais kom koj tus menyuam mus saib cov nyiaj pub dawb (grant) thiab scholarship hauv computer thiab ntawm lawv tus counselor. 5

8 Qib 10: Mus xeem ob tug xeem hu ua PLAN thiab/ los yog PSAT: Siv cov xeem no los xyaum npaj mus xeem tus ACT thiab tus SAT, thiab saib seb koj tus menyuam kawm tau ntawv zoo li cas txog ntawm kev npaj mus kawm ntawv qib siab. Mus saib seb nyiam faim hauj lwm twg: Kav tsij nrog koj tus menyuam tham txog cov yeeb yam uas nws nyiam thiab sab laj txog cov hauj lwm nyob rau faim nws nyiam ntawv. Yog muaj lub hom phiaj yuav pab tus tub/ntxhais kawm ntawv txoj kev rau siab thiab pom txoj kev sib raug zoo nrog lub tsev kawm ntawv. 4 Koj tus menyuam yuav nrhiav tau cov faim hauj lwm uas haum qhov uas nws nyiam yam muab cov yeeb yam uas nws nyiam sau cia. Ib lub website uas yuav muaj kev pab tau yog actstudent.org/career/. 4 Cov counselor pem tsev kawm ntawv kuj sab laj txog faim degree dab tsis thiaj li tau cov hauj lwm twg. Yuav tsum los sab laj txog ntau hom kev kawm ntawv qib siab thaum tseem nyob high school (postsecondary): Muaj ntau kom kev kawm ntawv qib siab thaum tseem kawm high school (postsecondary), muaj xws li cov tuam tsev kawm ntawv qib siab ob xyoos thiab plaub xyoos, thiab cov tsev kawm ntawv technical uas feem ntau kawm luv dua ob xyoos ces tiav lawm. Yog hais hias npaj tau zoo, cov qhab nia tau txais los ntawm lub tuam tsev kawm ntawv qib siab ob xyoos yeej xa mus nkag tau rau cov tuam tsev kawm ntawv plaub xyoos. Nyob rau tej faim kev kawm, yog ib qho zoo mas cia li mus kawm cov tuam tsev kawm ntawv qib siab plaub xyoos vim hais tias muaj ntau hoob uas kawm ib hoob tag ib hoob tuaj. Piv txwv, tus tub/ntxhais uas tuaj ntawm cov tuam ntsev kawm ntawv qib siab ob xyoos yuav tsum peb xyoos tshaj ntxiv mas thiaj li kawm tag nws daim degree raum faim engineering. 4 Sab laj nrog koj tus menyuam saib hom tsev kawm ntawv qib siab twg thiaj li haum nws hom hauj lwm los yog hauv cov kev kawm uas nws nyiam. 4 Muaj lwm yam xws li: muaj ntau haiv neeg thiab muaj lwm cov tub/ ntxhais kawm ntawv ntau npaum li cas, lub nroog loj npaum li cas/ nyob rau qhov twg, thiab feem coob cov qhab nia GPA rau cov tub/ ntxhais tuaj kawm thawj xyoo yog siab npaum li cas. Cuv npe mus kawm qib 11 cov hoob kawm ntawv: Koj tus tub/ntxhais kawm ntawv yuav tsum xaiv cov hoob kawm uas muaj qhab nia rau tsev kawm ntawv qib siab, xws li Advanced Placement, International Baccalaureate, College in the Schools, Project Lead the Way, los yog PSEO. 4 Mus saib kom paub tshaj ntawm readysetgo.state.mn.us/rsg/parent/ index.html. 6

9 Mus xeem tus xeem ACT los yog SAT: Feem ntau ntawm cov tuam tsev kawm ntawv qib siab vam thiab cia siab kom cov tub/ntxhais kawm Qib ntawv uas tuaj cuv npe yuav tsum mus xeem tus xeem ACT los yog SAT thaum lub sij hawm 11: nplooj hlav (spring). Cov sij hawm teem mus xeem thaum lub plaub hlis thiab lub rau hli mas yog sij hawm zoo vim hais tias cov tub/ntxhais kawm ntawv twb kawm lawv cov hoob kawm rau qib 11 tag los yog tag ntau lawm. 4 Mus saib se blub tuam tsev kawm ntawv qib siab uas koj tus menyuam xav mus kawm txais tus xeem twg (piv txwv, txhua lub tuam tsev kawm ntawv qib siab hauv lub xeev Minnesota txais tus xeem ACT). 4 Mus cuv npe rau koj tus menyuam li ntawm ib lub hlis ua ntej. Xav paub txog cov sij hawm thiab cuv npe, mus saib actstudent.org thiab sat. collegeboard.org/home. 4 Hais kom koj tus tub/ntxhais kawm ntawv mus koom cov hoob uas npaj mus xeem tus xeem ACT los yog SAT uas muaj qhia nyob tim tsev kawm ntawv los yog cov kev pab hauv zej zog. Mus koom cov koom txoos qhia txog tsev kawm ntawv qib siab thiab mus saib cov tuam tsev qhia ntawv qib siab: Mus saib cov tuam tsev qhia ntawv qib siab thiab mus nrog cov neeg ua hauj lwm txais tub/ntxhais kawm ntawv tshiab yogi b qho zoo kom koj paub saib lub tuam tsev no puas yuav haub koj tus tub/ntxhais kawm ntawv. 4 Yog xav paub saib yuav muaj dab tsi los pab rau koj txoj kev txiav txim, mus xyuas qhov Xaiv Lub Tsev Kawm Ntawv Qib Siab ( Choosing a College ) ntawm getreadyforcollege.org. 4 Saib seb lub tsev kawm ntawv qib siab muaj (faim kawm twg) (majors) uas haum koj tus menyuam qhov uas nws nyiam thiab saib lub tsev kawm ntawv qib siab loj npaum li cas, nyob rau qhov twg thiab kim npaum li cas. 4 Teem sij hawm mus thaum muaj kev qhia thiab coj mus ncig saib tsev kawm ntawv qib siab nrog rau Cov Neeg Txais Tub/Ntxhais Kawm Ntawv Tshiab (Office of Admissions). 4 Muaj ob lub websites los pab koj saib thiab xaiv cov tsev kawm ntawv qib siab yog: bigfuture.collegeboard.org/college-search thiab actstudent.org/college/choosing.html Kav tsij npaj nyiaj txiag los them nqi kawm ntawv qib siab: Khij daim qauv FAFSA (financial aid) kom khwv yees saib koj tus menyuam yuav tau kev pab los ntawm financial aid ntau npaum li cas. 4 Mus saib cov kev pab txog nyiaj txiag thiab daim qauv FAFSA ntawm studentaid.ed.gov/fafsa/estimate los yog getreadyforcollege.org/ Estimator/firstQuestions.cfm. 4 Nrog koj tus menyuam mus sib tham nrog tus counselor tim tsev kawm ntawv thiab mus tshawb cov nyiaj pub dawb (scholoarships) hauv computer. Yog hais tias koj tus tub/ntxhais kawm ntawv npaj siab koom kis las ntawm lub tsev kawm ntawv qib siab: Mus cuag tus xib fwb qhia kis las tim tsev kawm ntawv mus nug txog cov kev pab thiab nyiaj pub dawb (scholarships). 7

10 Cuv npe kawm cov hoob kom tsim nyog rau xyoo kaum ob: Askiv (English), social studies, lej (math) thiab science yog cov hoob uas tseem ceeb kawm txuas mus rau qib 12. Cov tsev kawm ntawv qib siab plaub xyoos yeej xav kom kawm cov hoob no thiab cov tsev kawm ntawv qib siab hauv zej zog (community) thiab technical feem ntau mas yuav xav tau tus xeem lej (math) and tus xeem kev nyeem/ sau ntawv (language art) saib tsim nyog nyob qib twg. Yog hais tias tus tub/ntxhais kawm ntawv hla ib xyoos ntawm kev qhia lawm, tej zaum lawv yuav xeem tsis tau zoo thaum mus xeem saib nyob qib twg thiab yuav tau mus kawm cov hoob kom npaj nws mus kawm qib siab tiam sis tsis tau qhab nia rau tsev kawm ntawv qib siab tiam sis raug them nqi kawm ntawv. Yog hais tias nws tsis nyog ua tau, cuv npe rau koj tus menyuam kawm tsawg kawg ma tsib hoob uas muaj tau qhab nia rau tsev kawm ntawm qib siab xws li Advanced Placement, International Baccalaureate, College in the Schools, Project Lead the Way, los yog PSEO. Feem ntau ntawm cov tub/ntxhais kawm ntawv yuav ntseeg lawv tus kheej thiab npaj txhij tom qab lawv tau kawm cov hoob uas yog kawm qib siab cov thaum lawv tseem nyob high school. Yog xav paub tshaj no ntxiv mus saib readysetgo.state.mn.us/rsg/parent/index.html. KEV MUS SAIB TSEV KAWM NTAWV QIB SIAB [qhov no yog ib qho ntxiv/ntawm ib sab thaum ntu nrub nrab ntawm qib 11 thiab 12] Mus saib tuam tsev qhia ntawv qib siab yog ib qho tseem ceeb uas yuav tsum tau mus ua mus kawm ntawv qib siab. Lub sij hawm ntuj sov (summer) tom qab kawm tiav qib 11 yog luj sij hawm zoo mus saib. Mloog cov lus teb los yog nug cov lus hauv qab no: Lub tuam tsev kawm ntawv qib siab no puas muaj koj tus menyuam faim (major) uas nws npaj siab yuav kawm? Puas muaj qhov chaw rau cov neeg nyiam kawm mus rau ib faim los nyob rau ib chav thiab kawm cov hoob kawm ntawv ua ke? Puas muaj cov hoob kawm ntawv tshwj xeeb tsaj? Muaj hom kev pab txhawb rau kev kawm ntawv zoo li cas? Cov tub/ntxhais kawm ntawv siv sij hawm ntau npaum li cas los ua lawv cov home work ntawm ib lub lim tiam twg? Yuav xav kom sau ntawv heev npaum li cas? Yuav xav kom nyeem ntawv heev npaum li cas? Cov tub/ntxhais kawm ntawv puas yuav tau txais kev qhia txog lawv txoj kev kawm tau zoo los tsis zoo kom sai thiab? Cov kev sab laj thiab cov hauj lwm kom ua ntawv puas siv txhua haiv neeg txoj kev xam pom? Cov tub/ntxhais kawm ntawv feem ntau puas hauj lwm/home work ua ke? Muaj cov yeeb yam dab tsi rau cov tub ntxhais/kawm ntawv ua dhau li ntawm cov yeeb yam hauv chav kawm ntawv? Thaum twg thiab yuav pib li cas hais txog cov Cov tub/ntxhais kawm ntawv txoj kev sib txuas lus nrog rau lwm cov tub/ntxhais kawm ntawv uas nyiam lwm txoj kev sib tham, kev ua nom ua tswv, los kab lim kev cai los yog lwm haiv neeg thiab nqaij tawv txawv? Muaj pes tsawg tus tub/ntxhais kawm ntawv mus kawm txawv teb chaws? Muaj pes tsawg feem pua ntawm cov tub/ntxhais kawm ntawv mus ua hauj lwm pub dawb rau zej zog (community service)? Muaj pes tsawg tus tub/ntxhais kawm ntawv tuaj nyob kiag rau hauv tsev kawm ntawv? Puas yuav mus cuag tau cov xib fwb thiab lawv puas yog hom xib fwb uas muaj kev txhawb nqa cov tub/ntxhais kawm ntawv? Cov tub/ntxhais kawm ntawv paus yuav muaj peev xwm ua cov hauj lwm tshawb fawb nrog rau cov xib fwb qhia ntawv? Puas muaj ib txoj kev pab los sib txuas lus nrog rau cov niam cov txiv? 8

11 Txwv txoj kev daig thaum nyob qib 12 : Cov tuam tsev qhia ntawv qib siab los soj cov hoob kawm thaum nyob qib 12 thaum lawv txiav Qib txim yuav txais mus kawm ntawv ntawv qib siab ntawm lawv lub tsev kawm ntawv. Txuas 12: ntxiv, cov tub/ntxhais kawm ntawv nyob qib 12 uas hla hoob lej (math) yuav xiam cov txuj ci ntawv thiab tej zaum yuav raug mus kawm cov hoob uas npaj mus kawm ntawv qib siab xwb tiam sis tsis tau qhab nia. Zaum kawg rau txoj kev mus xeem tus xeem ACT thiab SAT: 4 Yog hais tias koj tus tub/ntxhais kawm ntawv tsis tau xeem tus xeem ACT los yog SAT thaum nyob qib 11, mus cuv npe mus xeem rau thaum lub 10 hli tsawg kawg mas cuv npe li ib lub hlis ua ntej. 4 Yog hais tias koj tus tub/ntxhais kawm ntawv xeem thaum nyob qib 11 tab sis xeem tsis tau qhab nia siab npaum li nws xav tau, xav seb puas yuav rov qab mus xeem dua. Saib kom paub meej hais txog cov sij hawm kawg uas yuav tsum mus cuv npe: Feem ntau ntawm cov tuam tsev qhia ntawv qib siab plaub xyoos mas kev cuv npe los kawg rau thaum lub 12 hlis, hos lwm cov tsev kawm ntawv qhib txog lub ib hlis, ob hlis los yog txog thaum lub rau hli. Tej lub tuam tsev qhia ntawv qib siab hauv zej zog (community) yeej txais kev cuv npe txog thaum lawv pib kawm kiag, tab sis lwm cov muaj kev kawg rau thaum lub sij hawm nplooj hlav (spring) los yog thaum ntuj sov (summer). Xa daim ntawv mus cuv npe: Feem ntau mas cov ntawv cuv npe mas xa hauv computer xwb. Tej co tuam ntsev qhia ntawv qib siab siv Daim Ntawv Cuv Npe Ua Txhua Tus Siv uas ua tib zaug xa mus rau ntau lub tuam tsev qhia ntawv. Tej lub tuam tsev kawm qib siab kuj tso qhov nqi cuv npe rau cov tsev neeg uas khwv tau nyiaj tsawg. 4 Mus cuv npe tsawg kawg mas xa mus rau peb lub tuam tsev kawm ntawv qib siab: n n n Sib piv kom haum tsev kawm ntawv: Ib lub mas cov qhab nia GPA thiab ACT/SAT rau cov tub/ntxhais tuaj kawm thawj zoo sib xws li koj tus menyuam li Lub tsev kawm ntawv uas siv saib nkag puas tau: lub uas cov qhab nia GPA thiab cov qhab nia xeem ib nyuag siab zog Lub tsev kawm ntawv uas nkag yooj yim: lub uas cov qhab nia ib nyuag qis dua 4 Yog hais daim ntawv cuv npe xa tau cov ntawv uas lwm tus muaj kev pom zoo, hais kom koj tus tub/ntxhais mus thov neeg sau tsab ntawv pom zoo li peb lub lim tiam ua ntej hnub kawg, thiab xav kom thov rau thaum lub sij hawm nplooj zeeg (fall). Lawv thov tau cov counselors, xib fwb, tus thawj pem hauj lwm, cov neeg qhia ua kis las los yog cov thawj tswj cov yeeb yam ua hauj lwm dawb. 4 Yog hais tias lub tuam tsev qhia ntawv qib siab xav kom koj tus tub/ ntxhais kawm ntawv sau ib tsab ntawv (essay), yuav tsum hais kom nws coj mus rau nws tus xib fwb los yog tus counselor saib ua ntej. Yog tsis lawv saib tsis tau, koj yuav tsum saib ua ntej thiab pab qhia tswv yim rau nws. Hais kom koj tus tub/ntxhais kawm ntawv soj ntsuam tsab ntawv (essay) kom meej ua ntej muaj xa mus. 4 Saib daim ntawv cuv npe kom muaj txhua daim ntawv lawv xav tau ua ntej muab xa mus. 9

12 Mus khij daim ntawv thov nyiaj financial kom tiav hlo (FAFSA): 4 Nyob rau thaum lub ib hlis, mus khij daim ntawv thov financial aid uas yog daim tseem ntawm fafsa.ed.gov. Koj yuav tsum tau koj daim ntawv ua se uas ua nyuam qhuav ua no thiab koj tus tub/ntxhais kawm ntawv cov ntaub ntawv ceev nyiaj tseg kom nyob ze. 4 Mus koom cov kev sab laj (workshops) txog nyiaj txiag financial aid uas lub tuam tsev qhia ntawv muaj qhia. Ntawm rooj sab laj xws li Minnesota College Goal, minnesotacollegegoal.org, koj yuav tau txais kev pab los khij daim ntawv FAFSA. Txiav txim saib yuav mus qhov twg: Thaum lub plaub hlis ces feem coob ntawm cov tuam tsev qhia ntawv qib siab yeej txiav txim siab yuav txais los tsis txais tag lawm thiab xa cov ntawv qhia txog cov nyiaj financial aid. 4 Muab cov tsev kawm ntawv los sib piv hais txog cov nqi uas koj tus tub/ ntxhais kawm ntawv yuav tau los them tom qab cov nyiaj pub dawb (grants) los yog cov scholarships uas muaj los ntawm lub tsev qhia ntawv qib siab los muab rho tawm ntawm qhov nqi kawm ntawv tag nrho. Xa ntawv mus thov tsev nyob: Mus khij daim ntawv thov tsev nyob, uas hnub kawg mas ntxov npaum li thaum lub peb hlis hnub tim 1 xwb. 4 Xav saib puas nyob nrog thiab kawm nrog cov tub/ntxhais uas nyob tib xaab thiab kawm cov hoob muaj ntsis sib xwb. Soj txoj kev muaj npe kawm ntawv kom meej: Ua raws nraim li daim ntawv uas lub tuam tsev qhia ntawv uas koj tus tub/ntxhais xaiv xa tuaj txais. 4 Feem ntau mas qhov nqi lees kawm ntawv yuav tsum tau xa mus rau lub tsev kawm ntawv thaum lub sij hawm nplooj hlav (spring). Yog hais tias them tsis taus qho nqi ntawv, thov lub tsev kawm ntawv saib lawv puas kom muab qhov nqi ntawv tshem tawm. 4 Koj tus tub/ntxhais kawm yuav tsum qhia nws tus counselor pem tsev kawm ntawv txog lub tsev kawm ntawv qib siab uas nws npaj siab mus kawm, thiab kom muab cov qhab nia thiab cov xeem mus kawm ntawv qib siab xa mus rau qhov chaw ntawv. 4 Mus saib seb cov nqi kawm ntawv thiab nqi tsev yuav tau los them rau thaum twg. Tej cov tsev qhia ntawv qib siab koj tso ca imam ua hli them, tab sis tej zaum koj yuav tsum tau mu snug txog qhov ntawv. 4 Hais kom koj tus tub/ntxhais kawm ntawv yuav tsum nyeem thiab teb txhua daim ntawv uas lub tsev qhia ntawv qib siab xa tuaj. 10

13 Yog hais tias koj tus menyuam npaj siab koom kev kis las pem tsev qhia ntawv qib siab: 4 Mus cuag koj tus kws qhia kis las pev high school nug txog cov kev pab thiab cov scholarships. 4 Mus cuv npe ntawm NCAA Eligibility Center, ncaa.org. Npaj rau cov nuj nqi yuav mus kawm ntawv qib siab: 4 Pab koj tus menyuam npaj nyiaj rau kev mus kawm ntawv qib siab. 4 Soj ntsuam xyuas saib yuav siv npaum li cas los yuav zaub mov, ntawv thiab xaum, thiab siv rau kev lom zem. 4 Feem ntau mas cov tub/ntxhais kawm ntawv yuav tsum rau ib daim npav tshum nyiaj. Saib kom meej txoj lub tuam txhab tso nyiaj uas koj thiab koj tus menyuam siv muaj ib lub ATM cav rho nyiaj ze tim tsev kawm ntawv. 4 Lub checking account yog ib txoj kev yooj yim los yuav ntawv thiab lwm yam kev siv nyiaj. Feem ntau ntawm cov tsev kawm qib siab tsub nqi rau tus tub/ntxhais kawm ntawv tus account, ces mam sau check mus them, siv daim npav tshum nyiaj los yog them hauv lub tuam txhab tso nyiaj yam siv computer. Thaum mus txog tim tsev kawm ntawv qib siab thiab ntsaig khoom mus tiv: Yuav qhia rau cov tub/ntxhais kawm ntawv hais tias lawv ntsaig khoom mus tiv yog mus rau hnub twg, thiab tej zaum lub sij hawm twg thiab. Tuaj yam siv dav hlau: Cooj dav hlau kom ntxov es thiaj li pheej yig zog. 4 Tsheb ciav hlau los yog tsheb npav: Nug saib koj tus menyuam tau khoom ntau npaum li cas. 4 Tsheb: Cov chaw nyob yuav muaj kev qhia kom meej txog txoj kev thau khoom thiab los nyob kiag. 4 Cov Lus Siv Txhais Li Cas. 11

14 GLOSSARY ACT: Yog ib tus xeem uas siv los ntawm ntau lub tuam tsev qhia ntawv qib siab uas yog ib txoj kev lawv coj los xaiv saib puas yuav txais tuaj kawm ntawv. Txhua lub tuam tsev kawm ntawv qib siab hauv lub xeev Minnesota yeej yuav txais tus xeem ACT. Tus tub/ntxhais kawm ntawv mas feem ntau xeem tus xeem no thaum lub sij hawm ntuj no (winter) los thaum nplooj zeeg (spring) thaum lawv kawm qib 11. Advanced Placement (AP): AP cov hoob kawm ntawv yog qhia los ntawm cov high schools by high school cov xib fwb uas yeej kawm los qhia cov hoob uas yog kawm qib siab lawm. Cov tub/ntxhais kawm ntawv xeem ib tus xeem tom kawm hoob no yuab tiav thiab ntau lub tuam tsev qhia ntawv qib siab yuav muab qhab nia los nyob ntawm saib xeem tau qhab nia zoo li cas. Community Colleges: Cov tuam tsev qhia ntawv qib siab uas qhib rau txhua tus mus kawm uas muaj daim associate degrees ob xyoos. Cov tub ntxhais kawm ntawv qib siab uas npaj siab mus kawm ntxiv ntawm tsev qhia ntawv qib siab plaub yuav tsum mus nug txog kev xa cov qhab nia tawm mus. College in the Schools (CIS): Ib txoj kev pab uas muaj cov xib fwb tshwj xeeb uas kawm tawm los qhiav cov hoob qib siab rau ntawm high school. Cov tub/ntxhais kawm ntawv uas kawm tiav cov hoob CIS yuav tau txais qhab nia los ntawm tuam kev qhia ntawv qib siab thiab cov qhab nia yuav muab ceev tseg rau cov ntaub ntawv. EXPLORE: Yog ib tus xeem uas muaj rau thaum kawm qib 8 los yog qib 9 uas zoo nkaus li tus xeem ACT. Txoj kev xeem ntawv yuav qhia tau txog tus tub/ntxhais kawm txoj kev txawj ntse, txuj ci thiab yam uas nws nyiam, thiab soj ntsuam saib tus menyuam puas taug txoj kauj ruam thwj los npaj rau txoj kev mus kawm ntawv qib siab. Free Application for Federal Student Aid (FAFSA): Daim ntawv cuv npe uas txhua lub tuam tsev qhia ntawv qib siab yuav tsum kom muaj hais txog kev qiv nyiaj thiab thov nyiaj pub dawb. Daim ntawv no yuav tsum tau niam/txiv thiab tus tub/ntxhais kawm tawv cov nyiaj txiag thiab cov khoom vaj khoom tsev, thiab yuav tsum thov tuaj txhua lub xyoo uas tus tub/ntxhais kawm ntawv tseem kawv ntawv qib siab. Qhov no pab soj ntsuam xyuas saib tsev neeg yuav tau them ntau npaum li cas. 12 Financial Aid: Cov tuam tsev qhia ntawv qib siab yuav soj ntsuam cov nyiaj financial aid raws li qhov txawv ntawm qhov tsev neeg yuav tau them thiab cov nqi mus kawm ntawm lub tsev kawm ntawv qib siab twg. Financial aid mas muaj ntau hom, nrog rau: n Pell grants: Cov nyiaj uas pab los ntawm tsoom fwv uas tsis tau them rov qab, muaj kev pab rau cov tub/ntxhais kawm ntawv uas txom nyem tshaj. n Lub xeev los yog tsev kawm ntawv qib siab cov nyiaj pub dawb (grants): Cov nyiaj uas tsis tau them rov qab. n Tsis tas them nqi kawm ntawv: Lub tuam tsev qhia ntawv qib siab kuj tshem ib cov nqi los yog tshem tag nrho cov nqi kawm ntawv vim tus tub/ntxhais kawm ntawv cov txuj ci los yog kev txom nyem. n Ua hauj lwm thaum saib ntawv: Cov hauj lwm hauv tsev kawm ntawv uas tau txais kev pab nyiaj txiag los ntawm financial aid. n Nyiaj qiv: Cov nyiaj uas yuav tsum tau them rov qab, feem ntau mas muaj pab thiab. n Cov Scholarships: Cov nyiaj uas tsis tau them rov qab. Cov tuam tsev qhia ntawv qib siab thiab ntau lub koos haum uas pub scholoarships vim ntau yam heev.

15 International Baccalaureate (IB): IB yog cov hoob uas qhia tim lub high school uas yog cov xib fwb uas yeej kawm tawm cov hoob tshwj xeeb rau tsev kawm ntawv qib siab. Cov tub/ntxhais kawm ntawv yuav muaj xeem thaum kawm hoob ntawv tag thaib ntau lub tuam tsev qhia ntawv qib siab yuav muab qhab nia rau cob tub ntxhais kawm ntawv raws li lawv txoj kev xeem tau zoo npaum li cas. PLAN: Yog ib tus xeem muaj thaum nyob qib 10 uas zoo xws li tus xeem ACT thiab pab npaj lawv mus xeem tus ACT. Kev xeem yuav qhia tau txog tus menyuam txoj kev txawj ntse, cov txuj ci thiab yam uas nws nyiam, thiab pab soj saib tus menyuam puas taug cov kauj ruam yog los npaj rau txoj kev mus kawm ntawv qib siab. Post-Secondary Enrollment Options (PSEO): Nyob rau lub xeev Minnesota, cov nyob qib 11 thiab 12 (thiab tej cov uas nyob qib 10) kuj mus kawm tau ib hoob los yog tshaj tim cov tuam tsev qhia ntawv qib siab uas qhib rau txhua tus (public) yam tsis tas them nqi kawm ntawv thiab tseem tau txais qhab nia rau kev kawm ntawv qib siab thiab. Cov tuam tsev qhia ntawv qib siab xyuas saib puas tsim nyog kawm nyob ntawm saib kawm tau thib dab tsi thiab cov qhab nias ntawv cov xeem, yog li no cov tub ntxhais kawm ntawv yuav tsum mus nrog cov counselor tim tsev kawm ntawv tham kom paub txog cov kev xaiv uas lawv muaj. Project Lead the Way (PLTW): Project Lead the Way yog cov hoob uas qhia los ntawm cov xib fwb qhia high school thiab coj mus siv tes qhia ua kiag, cov hoob uas qhia txog engineer uas nyuaj thiab. PSAT: Yog ib tus xeem uas muaj rau thaum nyob qib 11 uas zoo xws lit us xeem SAT los pab npaj tus tub/ntxhais kawm ntawv mus xeem tus SAT. Kev xeem yuav qhia tau txog tus menyuam txoj kev txawj ntse, cov txuj ci thiab yam uas nws nyiam, thiab pab soj saib tus menyuam puas taug cov kauj ruam yog los npaj rau txoj kev mus kawm ntawv qib siab. Readistep: Yog ib tus xeem uas muaj rau thaum nyob qib 8 los yog qib 9 zoo xws lit us xeem SAT. Kev xeem yuav qhia tau txog tus menyuam txoj kev txawj ntse, cov txuj ci thiab yam uas nws nyiam, thiab pab soj saib tus menyuam puas taug cov kauj ruam yog los npaj rau txoj kev mus kawm ntawv qib siab. SAT: Yog ib tus xeem uas siv los ntawm ntau lub tuam tsev qhia ntawv qib siab, feem coob yog cov tuam tsev qhia ntawv qib siab uas muaj kev sib tw mus kawm coob heev, yog siv los xyuas saib puas yuav txais tuaj kawm ntawv. Tub tub/ ntxhais kawm ntawv mas feem ntau xeem tus xeem thaum lub sij hawm nplooj zeeg (fall) los yog thaum nplooj hlav (spring) thaum lawv nyob qib 11. Technical College: Yog cov tuam tsev qhia ntawv qib siab uas qhib rau txhua tus pej xeem mus kawm uas qhia txog qhov hauj lwm ntawv kia uas siv tsawg dua li ntawm ob xyoos mus kawm es tau txais daim diploma los yog daim npav certificate. 13

16 Qhov Koom Siab Npaj Kom Txhij Rau Txoj Kev Kawm Ntawv Qib Siab yuav siv zog ua hauj lwm kom muaj cov tub/ntxhais kawm ntawv nyob rau hauv lub xeev Minnesota kom coob tshaj no ntxiv thiab kom muaj ntau haiv neeg uas kawv tag high school kom muaj kev txawj ntse, muaj txuj ci thiab muaj cov keeb kom kawm ntawv qib siab mus tau zoo. COLLEGE OF EDUCATION + HUMAN DEVELOPMENT UNIVERSITY OF MINNESOTA THO KEV mus NRHIAV QHOV TSHIAB Lub tuam tsev kawm ntawv qib siab University of Minnesota yob ib lub uas tso vaj huam sib luag rau txoj kev kawm thiab kev ua hauj lwm. 14 Daim ntawv nthuav tawm no muaj lwm hom kev sau tawm thiab yog hais tias thov tuaj. Thov tuaj rau ntawm Koom Siab Npaj Kom Txhij Rau Txoj Kev Mus Kawm Ntawv Qib Siab, los yog collegeready@umn.edu Luam tawm yam siv cov khoom uas muab zom siv dua tshiab los yog coj mus zom tsim dua tshiab tau nrog rau tsawg kawg ma muaj li ntawm 10% uas yog cov khoom yeej siv ib zaug lawm. Tsim nyob rau xyoo 2014.